Йәш таланттарҙы табыу, һәүәҫкәрҙәргә үҫештә булышлыҡ ҡылыу, балалар күңелендә йыр сәнғәтенә ҡарата һөйөү тәрбиәләү маҡсатында Хәйбулла районының Йәнтеш мәҙәниәт йортонда йыл һайын “Гәлсәр һандуғас” конкурсы үтә.

Быйыл ул 15-се тапҡыр ойошторолдо. Сарала райондың 12 ауыл биләмәһенән 20 йырсы үҙ көсөн һынап ҡарарға теләк белдергән.

“Гәлсәр һандуғас-2019” конкурсының гран-приһына Өфө ауылынан Айнур Ярмуллин лайыҡ булды. Махсус бүләк – Аҡназар һылыуы Айгизә Аҡназаровала.