Белеүебеҙсә, 2018 йыл башында Рәсәй Журналистар союзы башлығы Владимир Соловьев ил етәксеһенә “Рәсәйҙең атҡаҙанған журналисы”, “Рәсәйҙең атҡаҙанған элемтә һәм мәғлүмәт хеҙмәткәре” исемдәрен булдырыу теләген еткергәйне.

Указ әҙер, Владимир Путин тәүге бүләкләнеүселәрҙе тәбрикләне. Улар араһында бөтөн илгә билдәле шәхестәр, журналистар – Павел Гусев, Владимир Сунгоркин, Михаил Гусман, Николай Дроздов, Евгений Поддубный һ.б. бар. Дөйөм алғанда, ике исемгә бергә 22 кеше лайыҡ булды.
Был дәртләндереү сараһы, һис шикһеҙ, журналистар эшенә яңы һулыш бирәсәк.