Башҡортостан Республикаһының М.Кәрим исемендәге Милли йәштәр театры 12 сентябрҙә "Театр төнө"нә ҡунаҡҡа көтә.

19.00 сәғәттә театрҙың Ҙур залында Григорий Горин пьесаһы буйынса ҡуйылған "Чума на оба ваши дома" (16+) күрһәтеләсәк. Был тамаша сәхнәлә 125-се тапҡыр уйналасаҡ.

19.00 сәғәттә театрҙың Бәләкәй залында Т.Миңнулин пьесаһы буйынса "Диләфрүзгә дүрт кейәү" (12+) спектакле ҡуйыласаҡ. Артистар был пьеса менән сәхнәгә 135-се тапҡыр сығасаҡ.

20.00 сәғәттә 1-се Репетициялар залында Башҡортостан Республикаһының Халыҡ артисы Ольга Мусина режиссура буйынса оҫталыҡ дәресе үткәрәсәк.

Спектаклдәргә инеү билеттар буйынса, оҫталыҡ дәресенә – саҡырыу менән. Билеттарҙы һәм саҡырыуҙы театр кассаһында алып була, телефоны 286-59-05.

Милли йәштәр театрының тағы ла бер акцияһы: 12 һәм 13 сентябрҙә бөтә спектаклдәргә билеттарҙы ярты хаҡҡа алып була.