Яҙыусы Гүзәл Яхинаның “Зөләйха күҙҙәрен аса” әҫәре буйынса киносериал төшөрөлә. Бөтәһе һигеҙ серия буласаҡ. Режиссеры – Егор Анашкин, төп ролдә – актриса Сулпан Хаматова. Ҡатнашыусылар исемлегендә Юлия Пересильд, Роза Хәйруллина, Рәмил Сабитов та бар.

Әле Пермдә фильмдың беренсе өлөшө төшөрөлә. Тиҙҙән труппа Татарстанға күсәсәк.

Әйткәндәй, Ейәнсуранан башҡорт егете Роберт Йылҡыбаев, бер көнгә генә ваҡиғалар майҙансығына барып, каскадерлыҡ алымдары талап ителгән күренештәрҙә төшөп киткән. Фотола уны актер Роман Мадянов менән күрәһегеҙ.