2018 йылға республика театр коллективтарының ижади проекттарына ярҙам күрһәтеү өсөн Башҡортостан башлығы грантына ғаризалар ҡабул ителә башланы.

Башҡортостан Мәҙәниәт министрлығынан хәбәр итеүҙәренсә, конкурста, ойоштороу-хоҡуҡи формаһына һәм милек формаһына ҡарамаҫтан, республика биләмәһендә эшмәкәрлек алып барған ижади коллективтар ҡатнаша ала.

Конкурста ҡатнашыуға ғаризалар республика Мәҙәниәт министрлығының һөнәри сәнғәт, белем биреү һәм ижади проекттар бүлегендә 2018 йылдың 22 авгусынан 31 авгусҡа тиклем ҡабул ителә.