16 сентябрҙә Башҡорт дәүләт ҡурсаҡ театры “Ете мөғжизәле теләк” квест-спектакленең премьераһы менән 86-сы миҙгелен аса.

Спектакль Башҡортостан халыҡтары телдәрен һаҡлау, өйрәнеү һәм үҫтереү буйынса саралар нигеҙендә ижад ителгән. Ҡуйыусыһы – Альберт Имаметдинов, рәссамы – Әнисә Томаншина.
Театрҙың матбуғат хеҙмәтенән хәбәр итеүҙәренсә, миҙгел асыу тантана­һында балаларҙы театр фойеһында байрам программаһы көтә. Кескәй тамашасылар әкиәт геройҙары менән осрашып, фотоға төшә, Театрҙың баһаламалар китабында үҙ теләктәрен ҡалдыра ала.
86-сы миҙгелдә театр репертуарҙағы спектаклдәрҙе күрһәтәсәк. Шулай уҡ байрамдарға, иҫтәлекле ваҡиғаларға арналған тамашалар, мауыҡтырғыс бәйгеләр һәм конкурс­тар ойош­тороласаҡ.