“Башҡортостан” гәзитенең быйылғы 14 ноябрь һанында “Русмы, урыҫмы?” тигән һорау бирелде. Был мәсьәләгә ҡарата фекеремде белдермәксемен.
Урыҫ һүҙе ниңәлер күңелгә ятышһыҙ. Милләттәр араһында дуҫлыҡ булмаған дәүерҙә тыуған ул. Рус — милләт исеме. Был халыҡты “урыҫ” тип атап үпкәләтергә мөмкин. Олуғ әҙибебеҙ Мостай Кәрим дә үҙ шиғырында “рус түгелмен” тигән бит, “урыҫ” тимәгән. Милләтте үҙ исеме менән әйтеү — уны ҙурлау, хөрмәтләү, яҡын, дуҫ күреү, берҙәмлекте нығытыуға ынтылыш билдәһе.