Мәғлүм булыуынса, Әбделмәмбәт мәктәбе уҡыусылары “Ҡара икмәк” исемле фильм төшөрә ине. Эш тамамланды. Кино ауылдың мәҙәниәт һарайында күрһәтелде.

...Бәхетле бала саҡтың татлы хыялдарын “һуғыш” тигән ҡурҡы­ныс һүҙ селпәрәмә килтерә. Ас­лыҡ, яланғаслыҡ, зар, күҙ йәш­тәре... Бығаса ундай тормошто күрмәгән малай-ҡыҙҙар ҡапыл өлкәнәйә, етдиләнә. Йәмле бала саҡты, хыялдарҙы һуғыш урлай.
Ошо хистәрҙе үҙебеҙҙең йөрәк­тән үткәргәндәй булдыҡ. Шул ҡә­ҙәр килештереп уйнаны Әбдел­мәмбәт уҡыусылары. Тамашасы тулҡынланды, тет­рән­де, күҙ йәше­нә мансылды. Атай-әсәй­ҙәрҙең, олатай-өлә­сәй­ҙәрҙең ни тиклем ауырлыҡ аша үткәнен, һыныр ваҡытта ла йәшәргә ынтылғанын йәнә бер ҡат тойҙоҡ. Бөйөк Еңеү тап шундай ныҡ­лыҡ, ихтыяр көсө аша яуланған бит.
Фильмдың һәр быуын вә­кил­дәре өсөн тәрбиәүи әһә­миәте баһалап бөткөһөҙ. Балалар ҙа, һуғыш осорондағы малай-ҡыҙ­ҙар­ҙың тойғоларын үҙ йөрәге аша үт­кәреп, бөгөнгө тормоштоң ни ҡәҙәр матур икәнен төшөн­гән­дер. Ғөмүмән, йәш быуын өсөн шундай аңлатыу эштәре ифрат мөһим. Күп тапҡыр әйткәнсе, бер ҡат тойҙороу яҡшыраҡ, тимәк­се­мен. Йәштәребеҙ аңлы, аҡыллы, улар менән эшләй белергә генә кәрәк.
“Ҡара икмәк” фильмы Кил­де­ғол, Ҡолғана ауылдарында ла күр­һәтелде. Кино йылында ха­лыҡ­ҡа ошондай рухи аҙыҡ татытып, ҙур эш баш­ҡарҙы Әбдел­мәмбәт мәк­тәбе коллективы һәм уҡыусылары.