2004-2010 йылдар
Был осорҙа Башҡорт ҡатын-ҡыҙҙары йәмғиәтенә киң билдәле йәмәғәт эшмәкәре, 1991—1995 йылдарҙа —БАССР-ҙың XII саҡырылыш Юғары Советы, 1995—2008 йылдарҙа III саҡырылыш Дәүләт Йыйылышы — Ҡоролтай депутаты, Башҡортостандың Йәмәғәт палатаһы ағзаһы сифатында ил хәстәрен иңенә йөкмәгән республиканың атҡаҙанған мәҙәниәт хеҙмәткәре булып танылған шәхес, БР Яҙыусылар союзы ағзаһы Гүзәл Ситдиҡова етәкселек итә.

Киләсәккә билдәләнгән план­дар, проекттар, шаҡтай күп саралар еренә еткерелеп атҡарылды, башҡорт телен, мәҙәниәтен үҫте­реү өсөн күп көс һалынды. Ҡатын-ҡыҙ­ҙар­ҙың социаль хәленә ар­налған оло сара, төбәк теле­ви­дение­һында даими барған “Йома” тапшырыуҙары, ра­йон-ҡала­ларҙа йәштәрҙе осраштырыу, ғаилә ҡороу, уны һаҡлау, килен-ҡәйнә мәсьә­ләләренә арналған кисәләр, айыҡ туйҙар, “Ихлас” мәсе­тен­дә дин һәм никах проблемалары буйынса төрлө саралар ойоштороу, “Башҡортостан” гә­зите менән берлектә “Һомай” махсус сыға­рылышын әҙерләү халҡыбыҙ күңелендә ныҡлы урын тапты.
Йәш ғаиләнең илебеҙ килә­сәгенең нигеҙен тәшкил итеүе тураһында Гүзәл СИТДИҠОВА:
– “Бала баҡмаҡ – йән сыҡ­маҡ”, тиҙәр. Йәш быуынға тәр­биә би­реү – иҫ киткес ауыр һәм яуаплы бурыс. “Тай ат булғансы эйәһе эт була”, ти­гән башҡорт мәҡәле лә бар, – ти. – Быуаттар буйына һы­нау үтеп, халыҡ аңында һаҡланып ҡалған рухи ҡиммәттәребеҙ хәҙер­ге ваҡытта туранан-тура ҡулла­ныла алмаһа ла, аҡыл­лыға – иша­ра, сетерекле ос­раҡ­тарҙа һәй­бәт кәңәшсе бу­лырҙай, хаталарҙы иҫкәр­терҙәй көскә эйә.
Байтаҡ һәйбәт йола­лары­быҙ йә онотолған, йә ҡайһы саҡта улар артыҡ ҡәтғи, үтәй алмаҫлыҡ ауыр кеүек күренә. Ә тормошҡа еңел-елпе ҡараш бер ваҡытта ла хәйерлегә булмай. Бәлки, шуға­лыр ҙа күп кенә йәш ғаиләләр, ҡош­тар яҙ ҡорған оя көҙ етеү менән бушаған кеүек, тиҙ генә тарҡалып ҡуя.
“Оло һүҙен тыңламаған –орол­ған да бәрелгән”, тигән ҡан-баба­ларыбыҙ. Быуаттар аша өндәшә улар һеҙгә, йәштәр! Һеҙгә ырыҫ-бәхет теләгәндән ошондай алтын­ға бәрәбәр кәңәштәрен мә­ҡәл-әйтем рәүешендә мираҫ итеп ҡалдыр­ғандар. Алйот тыңлар ҙа онотор, аҡыллы тыңлар ҙа ишетер. Хик­мәт­ле һүҙҙе күңеленә йыя белгән­дәр әйткәндер ошо һүҙҙе:
Үҙ телем — үҙ ҡылысым,
Атайҙан ҡалған ҡоросом,
Илдә-көндә тынысым...