Ошо көндәрҙә “Иҙел” V башҡорт һәм татар йыры фестиваль-конкурсына йомғаҡ яһалды.Өфөнән Рәфис Сирусин юбилей фестивалендә еңеүселәрҙең береһе тип танылды. Ул “Башҡорт халыҡ йыры” номинацияһында беренсе урынға һәм Татарстан Республикаһынан махсус призға лайыҡ булды. Рәфис Заһир Исмәғилев исемендәге Өфө дәүләт сәнғәт академияһында профессор Фәрзәнә Сәғитованың класында белем ала.
Шишмәнән Әлиә Ҡарасурина, Мәскәүҙән Рената Бәҙәмшина менән Ринат Закиров, Өфөнән Илсур Сабитов, Илдус Дәүләнов, Айрат Зиннәтов, Ләйсән Байрамғолова, Нурзидә Абыҙова, Асҡар Һаҙыев, Ҡазандан Мәҡсүт Юлдашев, Римма Никитина, Альбина Абрамова, Эльвира Ғиматдинова, Октябрьскийҙан Зарина Вилданова фестиваль лауреаттары булды.
Тамашасы һөйөүен Ришат Төхвәтуллин яуланы. Ульяновскиҙан Лилиә Зәмдиханова “Өмөт” махсус бүләгенә лайыҡ булды. Бәйгелә йәмғеһе 25 йәш артист ҡатнашты. Улар араһында Ҡытай, Үзбәкстан һәм Мексика вәкилдәре лә бар ине.