Ошо көндәрҙә Өфөләге “Родина” кинотеатрында “Башҡортостан” киностудияһының 25 йыллығына һәм Рәсәй киноһы көнөнә арналған фильмдар күрһәтелде.

Тамашасылар иғтибарына быйыл төшөрөлгән өс анимация, бер документаль һәм өс уйын фильмы тәҡдим ителде. Режиссер Рим Шәрәфетдиновтың — “Ай һәм Урал тауҙары нисек бар­лыҡҡа килгән?”, “Супер 8”, Айгөл Байрамғолованың “Урал менән Шүлгән мажаралары” йәнһүрәт­тәре күптәрҙең күңеленә хуш килде.
Вилүрә Иҫәндәүләтованың “Тәүбә” документаль фильмы ҡатмарлы яҙмыш хаҡында һөйләй. Таңсулпан Бураҡаева иһә “Ике күрше” фильмында Ырым­бурға юлланған ике ҡарт хаҡында бәйән итә. Режиссер Айнур Асҡаров та үҙенең “Пилорама” фильмын тамашасы хөкө­мөнә сығарҙы. Фильм ир менән ҡатын араһындағы мөнәсәбәт­тәргә арналған. Руслан Юлтаев­тың “Өс ҡат” тарихи фильмы һуғыш йылдарындағы башҡорт ауылы тормошон сағылдыра.
“Башҡортостан” киносту­дияһы­ның яңы фильмдарын “Родина” кинотеатры­нда, шулай уҡ республика кинотеатр­ҙарында башҡа көндәрҙә лә ҡарарға мөмкин.