Инйәрҙә йәшәгән шағирә Рәсимә Сәйетғәлина Учалы шағиры, 62 йәшендә мәрхүм булып ҡалған Алик Әхмәҙуллиндың “Ҡайтырмын мин бер саҡ йыр булып” тигән китабын башҡортсаға тәржемә итте. Баҫманың исем туйы ҙур байрамға әүерелде.
Рәсимә Рамазан ҡыҙын ҡот­ларға күрше ауылдарҙан, Учалынан, Магнитогорск ҡа­­лаһынан бихисап кеше килде. Араларында Алик Әх­мәҙуллиндың улы Вадим, ике туған һеңлеһе Әлфиә Ҡасимова ла бар ине.
Сараны Инйәр ауылы китап­ханаһынан Галина Никулина, Роза Оморҙаҡова, 2-се мәктәп-интернат тәрбиәсеһе Әлмира Мөстәҡимова йәнле, мауыҡ­тыр­ғыс итеп алып барҙы. Улар Алик Әхмәҙуллиндың һәм Рә­симә Сә­йетғәлинаның ижады­на арналған күргәҙмә лә ойошторғайны. Сығыш яһа­ғандарҙан Учалы яҙыусылар берекмәһе рәйесе Әҡлимә Сафина Рәсимә Сәйетғәлинаға грамота һәм бүләк тапшырһа, әҙибәнең элекке хеҙ­мәт­тәш­тәре, ауыл ағинәйҙәре дәртле йыр-бейеүе менән һөйөндөрҙө. Ә Алик Әхмәҙуллиндың улы, туғандары яҡын кешеһенең ижад емештәрен башҡортсаға тәржемә итеп, уларҙы тағы ла киңерәк даирәгә сығарған ша­ғирәгә сикһеҙ рәхмәт һүҙҙәрен еткерҙе.