1 июндә төшкө сәғәт 1-ҙә Әҙәбиәт йылы һәм Бөйөк Еңеүҙең 70 йыллығы уңайынан “Башҡортостан” гәзите “Әҙәби троллейбус” акцияһына ҡушылып, баш ҡала халҡын һәм ҡунаҡтарҙы ижади сәфәргә саҡыра.


Сара беренсе ха­лыҡ шағиры Мәжит Ғафуриҙың һәйкәленә сәскә һалыуҙан башланып китә. Баш­ҡорт­остандың халыҡ ар­тисы Роберт Юлдашев байрамға килеү­се­ләрҙе сәләмләйәсәк. Артабан трол­лей­бусҡа ултырған юлдаш­тарыбыҙ Сәйҙә Ильясованың, Радик Динәх­мәтовтың йырҙарын, Салауат Әбүзәров, Лариса Абдуллина һәм Зөлфиә Ханнано­ваның шиғырҙа­рын тыңлаясаҡ. Ошонда уҡ “Башҡортостан” гәзитенә яҙылыу ойош­то­роласаҡ.
Викторинала ҡатнашып еңеүселәргә иҫтә­лекле бүләктәр әҙерләнгән. Һорауҙар Әҙә­биәт йылына, Бө­йөк Ватан һуғышына, “Баш­ҡортостан” гәзите тарихына ҡағыла. Күңелле һәм фәһемле осрашыуҙар көтә һеҙҙе, дуҫтар!