Рәсәйҙә һәм Башҡортостанда иғлан ителгән Әҙәбиәт йылы уңайынан һәр ерҙә мәҙәни кисәләр, осрашыуҙар, ҡыҙыҡлы бәйгеләр үткәрелеп тора.

Дөйөм саранан Кушнаренко педагогия колледжы ла ситтә ҡалманы – I-III курс студентта­ры араһында ши­ғыр һөйләү­селәр бәйгеһен ойош­торҙо. Уның шарттарына ярашлы, һәр төркөмдән биш кеше ҡатнашты. Еңеүсе исе­менә Гүзәлиә Сәғ­ҙи­ева менән Дилара Афзалова лайыҡ тип табылды. Артабан улар “Тере һүҙ” район конкурсына юлланды.
Береһе – һуғыш, икенсеһе ирекле темаға арналған әҫәрҙе яттан һөйләү бәйгеһенең баһа­лама ағзалары сығыштың ике телдә яңғырауына, ту­лы йөкмәт­кене белеүгә, сәхнә оҫта­лығына, тейешле кейемдә булыуға айырым иғтибар бүлде.
Колледждың уңған ҡыҙҙары баш­ҡорт, урыҫ телендә шиғыр һөй­ләп, рәх­мәт хаттары менән бүләк­ләнде. Әйтергә кәрәк, Гүзәлиә лә, Дилара ла – уҡыу алдынғылары, йәмәғәт эш­тә­рендә лә әүҙем ҡатнашалар. Юғары белем алып, республика өсөн файҙалы белгес булырға хыяллана улар.