Һәр төбәктең йөҙөк ҡашы булырҙай сәнғәт әһелдәре бар. “Берғамыт” халыҡ бейеүҙәре ансамбленән тыш Ишембайҙа бер сара ла үтмәй, сит тарафтарҙа ла йыш ҡунаҡ коллектив. Ә йылға атамаһына бәйле исемле ансамблдең бейеүҙәрендә, әйтерһең дә, Юрматы ырыуының сал тарихы сағыла…
“Берғамыт”ты 2001 йылда Башҡорт­остандың атҡаҙанған мәҙәниәт хеҙмәткәре, ғәскәровсы Әхиәр Хәлитов ойоштороп ебәрә. Әлбиттә, “үҙе өсөн генә тыпырҙаған” бер нисә бейеүсенән торған коллективтың профессиональ киләсәге ул саҡта икеле була. Әммә бейеүсе бейей-бейей оҫтара тигәндәй, ҡыҙҙар-егеттәр маһирлана бара, репертуар ҙа байый. “Гөлнәзирә”, “Зарифа”, “Бесәнселәр” бейеүҙәре “Берғамыт”тың алтын фондын тәшкил итә.
Ансамблдә инде бишенсе быуын бе­йей. Коллективты хәҙер Артур Мөхәмәт­йәнов етәкләй. Әйтергә кәрәк, 14 йылда коллек­тив ҙур уңыштарға өлгәшеп өл­гөр­гән. Әлбиттә, был йәһәт­тән бихисап ми­ҫал килтерергә булыр ине, ләкин һуң­ғы ваҡиғаға туҡталғанда ла, күп нә­мәгә күҙ асыла һымаҡ – ансамблдең солисы Эмиль Һөйәрғолов “Байыҡ-2014” башҡорт бейеүен баш­ҡарыу­сыларҙың республика телевизион конкурсынан еңеү яулап ҡайтты. Оҫта­ның Ф. Ғәс­кә­ров исемендәге дәүләт академия халыҡ бейеү­ҙәре ансамбленә эшкә са­ҡырыу­ҙы кире ҡағып, Ишембайҙа ҡалы­уы ла яҡташтары күңелендә уға хөрмәт уята.
— Үҫеш өсөн Ишембайҙа мөмкин­лектәр ҙур. Йәштәр үҙҙәренең талантын күрһәтергә әҙер тора, — ти ғорурлыҡ менән Эмиль.