“Башҡортостан” гәзитенең 2014 йылғы лауреаты, әүҙем авторыбыҙ Миләүшә Ҡолмөхәмәтова, Мәҙәниәт йылын оҙатып, Әҙәбиәткә арналғанын “Йылдар тыуҙырған юлдар” исемле китабы менән ҡаршы алды.


Журналист йыйынтыҡҡа Башҡорт­остан­дың күренекле яҙыусылары, шағирҙары, сәнғәт һәм мәҙәниәт әһелдәре хаҡында төрлө йылдарҙа республика матбуғатында донъя күргән һүрәтләмәләрен, ижади портреттарын, эссе, иҫтәлектәрен, әҙәби тәнҡит мәҡә­ләләрен һәм очерктарын туплаған.
Китапҡа баш һүҙ яҙған Башҡорт­остандың халыҡ яҙыусыһы Нәжиб Асанбаев: “Һиҙгер күңелле, үткер ҡәләмле журналисҡа аҡ юл теләге килә. Йыйын­тыҡ уҡыусыға әҙәбиәт һәм мәҙәниәт өлкәһе буйынса күп мәғлүмәт бирәсәк, күренекле шәхестәрҙең бығаса билдәле булмаған яҡтарын асырға ярҙам итәсәк”, — тип билдәләгән.