Хөрмәтле дуҫтар, хәте­регеҙгә төшөрәбеҙ: “Баш­ҡортостан” гәзи­те Әҙәбиәт йы­лын­а арнап “Әҙәби тулҡын” тип атал­ған хикәйәләр конкурсы иғлан итте. Ғәҙәттә, әҙә­биәт донъяһына ҡәләм тирбәтеү­се­ләр быуыны тулҡын-тулҡын б­улып ағылып тороусан. Һәр тул­ҡын­дың үҙ ҡеүәте, үҙенә хас йырлар йыры бар.
Заман башҡа – заң башҡа тигән­дәй, һуңғы ваҡытта әҙәбиәтебеҙҙә тулҡындар һүл­пәнәйә төштө: бөгөнгө яҙыусыларыбыҙға лайыҡлы алмаш булыр­ҙай йәштәр бармаҡ менән генә һанар­лыҡ. Шуға күрә әҙәбиәттә әлегә тиклем исемдәре кү­рен­мәгән йә һирәк күҙгә салынып ҡалған ижад­сы­ларҙы дәртләндереү маҡса­тында “Әҙәби тулҡын” уларҙы үҙенә тупларға булды.
Шулай итеп, заман һулышын сағылдырған, социаль мәсьәләләрҙе күтәргән хикәйәләр көтәбеҙ һеҙҙән. Әҫәрҙәрҙең күләме 10 – 15 биттән артмаҫҡа тейеш. Авторҙарҙың йәше сикләнмәй.
Конкурсҡа йыл аҙағында йомғаҡ яһаласаҡ. Тәүге өс урынды яулағандарҙы ҡиммәтле бүләктәр көтә. Бынан тыш, әҫәрҙәр “Башҡортостан” гәзитенең сайтына ҡуйылып барасаҡ, һәм унда иң күп тауыш (“лайк”) йыйған авторға дәртләндереү призы эләгәсәк.
Бөгөн һеҙҙең иғтибарға редакцияға килгән тәүге әҫәрҙе тәҡдим итәбеҙ.