I. Дөйөм өлөш
1.1. Конкурстың маҡсаты — әҙиптең әҫәрҙәрен өйрәнеү, уларҙы пропагандалау, бала­лар һәм үҫмерҙәрҙең ижади һәләттәрен үҫтереү, фекерҙә­рен ижад аша күрһәтә белеүгә ынтылыу.
1.2. Ойоштороусылар: Рес­публиканың һуҡырҙар өсөн махсус китапханаһы, яҙыусы Фәрзәнә Ғөбәйҙуллина, “Башҡортостан” һәм “Йәншишмә” гәзиттәре редакциялары.
II. Ҡатнашыусыларҙың эш­тә­ре йәш төркөмдәре буйынса билдәләнә:
7-нән 11 йәшкә тиклем;
12-нән 15 йәшкә тиклем;
16-нан 18 йәшкә тиклем.
III. Конкурсты ойоштороу шарттары:
3.1. Конкурсҡа эштәрҙе 2014 йылдың 1 сентябренән 10 ок­тябренә тиклем ебәрергә кәрәк.
3.2. Улар ошо номинациялар буйынса ҡабул ителә:
Мостай Кәримдең ижады бу­йынса һүрәттәр (A3 форматынан бәләкәй булырға тейеш түгел);
«Мостай Кәримдең тормошо һәм ижады» темаһына кроссвордтар (яуаптары менән бер­гә);
әҙәби ижад (Мостай Кә­рим хаҡында шиғырҙар, хи­кәйәләр, халыҡ шағирының әҫәрҙәрен башҡа тел­дәргә тәржемә итеү, яҙыусы­ның ижады тураһында фе­керҙәр);
компьютер графикаһында яҙыусының ижады һәм тормошона бағышланған, ижадын мәңгеләштереүгә арналған электрон презентациялар, видеояҙмалар.
IV. Конкурсҡа килгән эш­тәргә талаптар:
4.1. Бер авторҙың бер нисә эше ҡатнашыуы мөмкин, һаны сикләнмәй.
4.2. Ижади эштәр авторҙың шәхсән үҙе тарафынан яҙылырға тейеш. Өлкәндәр етәкселек кенә итә ала.
4.3. Эш­тәрҙең төрлө техникала башҡарылыуы мөмкин: гуашь, аква­рель, гра­фитлы ҡә­ләм, тушь, компьютер графи­каһы, ҡағыҙ һәм электрон текс­тар.
V. Конкурста ҡатнашыу шарттары:
5.1. Конкурста ҡатнашыу өсөн заявка ебәрергә кәрәк (ҡушымтаға ярашлы).
5.2. Эштәр түбәндәге адрес буйынса ҡабул ителә: 450077, Өфө ҡалаһы, Киров урамы, 47-се йорт, Башҡортостан Республикаһының һуҡырҙар өсөн махсус китапханаһы. «Мин һәм Мос­тай Кәрим» кон­курсына тигән билдә менән. Электрон почта аша [email protected], [email protected] йәки “Башҡортостан” һәм «Йәншишмә» гә­зиттәре редакцияларына: 450079, Өфө ҡалаһы, Октябрҙең 50 йыллығы урамы, 13 адресы буйынса ебәрергә мөмкин.
5.3. Конкурс эштәренә автор хаҡында мәғлүмәт (исем-фамилияһы, тулы йәше, тыуған йылы һәм өй адресы, кеҫә телефоны).
5.4. Эштәрҙе башҡорт, урыҫ, татар һәм башҡа телдәрҙә яҙырға мөмкин.
VI. Конкурстың һөҙөмтәһе 17 октябрҙә төбәк-ара әҙәби фестивалдә, Өфөлә, Башҡорт­остандың халыҡ шағиры Мос­тай Кәримдең һәйкәле эргә­һендә ойошторолған флешмобта иғлан ителәсәк. Еңеүсе­ләрҙе приздар, маҡтау ҡа­ғыҙҙары, дипломдар көтә.