“Петроград яуында ҡатнашҡан башҡорт яугир­ҙәренең батырлығын һәм данын мәңгеләштереү хаҡындағы “Башҡорт яугирҙәре — Петроградта” мәҡәләһе Башҡортостан Республикаһының Мәҙәниәт министрлығында ҡаралды.
Башҡортостан Президентының 2012 йылдың 28 июлендәге ҡарарына ярашлы, Президент ҡарамағында республика алдында ҙур ҡаҙаныштары һәм махсус хеҙмәттәре булған кешеләрҙең иҫтәлеген мәңге­ләштереү һәм ололау буйынса комиссия эшләп килә. Ул халҡыбыҙ алдында ҙур уңыштарға өлгәшкән һәм ҡаҙаныштарға эйә булған кешеләрҙең исемдәрен һәм әһәмиәтле тарихи ваҡиғаларҙы мәңгеләштереүҙе хәл итеүгә йүнәлтелгән.