Ҡариҙел районынан Мәҙәниәт йылы эмблемаһы штандарты Мишкә ауылына килеп етте. Эстафетаны тапшырыу тантанаһы ауыл мәҙәниәт йортонда үтте. Был көндә халыҡ оҫталарының биҙәү-ҡулланма сәнғәте, балалар сәнғәт мәктәбенең рәсемдәр күргәҙмәһе ойошторолдо. Китапхана хеҙмәткәрҙәре семинарында оҫталыҡ дәрестәре үткәрелде. Кис Мишкә халҡы һәм ҡунаҡтар “Тыуған яҡтың аҫылташтары” тип аталған концерт ҡараны.