Республика һәм район, ҡала кимәлендәге мәҙәниәт, сәнғәт учреждениелары ҡатнашлығындағы бәйгене республиканың Мәҙәниәт министрлығы һәм “Башҡортостандың мәҙәни донъяһы” интернет-порталы мәҙәниәттең һәм сәнғәттең әһәмиәтен арттырыу, ошо өлкәләге ваҡиғаларға йәмәғәтселектең иғтибарын арттырыу маҡсатында үткәрә. Төп бурыс — Мәҙәниәт йылында республикабыҙҙа булған иң яҡшы ваҡиғаларҙы асыҡлау, ижади башланғыстарҙы үҫтереү.
Бәйгенең беренсе турында эксперт комиссияһы проекттарҙы һайлап ала. Йылдың иң сағыу һәм әһәмиәтле ваҡиғалары икенсе турҙа “Башҡортостандың мәҙәни донъяһы” порталында тауыш биреү юлы менән асыҡланасаҡ. Еңеүселәр Мәҙәниәт йылын рәсми ябыу тантанаһында бүләкләнәсәк.