Башҡортостанда халыҡ театры етәксеһе Нәғим Аллаяров вафат

6 сентябрҙә Башҡортостан Республикаһының атҡаҙанған мәҙәниәт хеҙмәткәре, Учалы районы Юлдаш ауылы мәҙәниәт йортоноң өлгөлө һәм халыҡ театры етәксеһе Нәғим Ғәйнулла улы Аллаяров арабыҙҙан китте.

Үҙенең эшмәкәрлеге йылдарында Нәғим Аллаяров Учалы районының театр хәрәкәтен үҫтереүгә һәм мәҙәни традицияларын һаҡлауға баһалап бөткөһөҙ өлөш индерҙе, тип хәбәр итә Республика халыҡ ижады үҙәгенең матбуғат хеҙмәте.

Нәғим Ғәйнулла улы үҙ эшенең оҫтаһы ине, уның спектаклдәрен тамашасылар һәр ваҡыт яратып ҡараны. Уның таланты районда үткәрелгән һәр сараның биҙәге булды.

Башинформ  мәрхүмдең туғандарының һәм яҡындарының ауыр ҡайғыһын уртаҡлаша.