Яҡташыбыҙ «Рәсәйҙең йәш һылыуҡайы» конкурсында Гран-при яуланы

Мәскәүҙә «Рәсәй һылыуҡайы», «Рус һылыуҡайы», «Рәсәйҙең йәш һылыуҡайы» һәм «Йәш рус һылыуҡайы» Бөтә Рәсәй конкурстарының финалы уҙҙы.

Нефтекаманан 6 йәшлек Әминә Мусатаева «Рәсәйҙең йәш һылыуҡайы 2026» конкурсында Гран-при яуланы. Йәш модель икенсе тапҡыр ҙур еңеүгә өлгәште, бынан алдараҡ яҡташыбыҙ «Мисс Ҡазан-2026» Гран-прийына лайыҡ булды.

Әминә Kidsstar модель мәктәбендә бер генә йыл шөғөлләнә. Конкурста ҡатнашыусылар «Диңгеҙ бризы» стилен күрһәтте, ҡыҙҙар һыуһылыу булып кейенде. Икенсе тапҡыр сәхнәлә улар милли кейемдә сығыш яһаны,  Әминә уның махсус өсөн тегелгән башҡорт костюмын күрһәтте. Ҡатнашыусылар шулай уҡ киске күлдәктәрҙә дефиле үтте.

Әле Әминә «Йыл балаһы-2026 Рәсәй» балалар премия-конкурсында ҡатнаша.

«Мин төрлө конкурстарҙа ҡатнашырға яратам. Яңыраҡ Мәскәүҙә «Рәсәйҙең йәш һылыуҡайы 2026» конкурсында Гран-при яуланым. Минең lg magazine һәм башҡа журналдарҙа фотоларым баҫылып сыға», — тип һөйләй Әминә.