AY YOLA төркөмөнөң Homay клибы халыҡ-ара премияға дәғүә итә
AY YOLA төркөмөнөң Homay музыкаль клибы «Иң яҡшы йыр» номинацияһында Berlin Music Video Awards премияһы исемлегенә инде.
Berlin Music Video Awards — 2013 йылдан Берлинда уҙған халыҡ-ара музыкаль клиптар фестивале. Ул бар донъянан режиссерҙарҙы, музыканттарҙы һәм продюсерҙарҙы берләштерә, йыл һайын төрлө илдәрҙән тиҫтәләгән проект туплай.
«Был беҙҙең өсөн бик мөһим! Маҡсатыбыҙ шул уҡ – донъяла «Урал батыр» эпосы һәм Башҡортостан тураһында мөмкин тиклем күберәк кеше белһен, — ти артистар. — Беҙҙең клиптарҙы ҡараған һәр кемгә рәхмәт белдерәм».