Популяр башҡарыусы Ринат Рәхмәтуллин ҡыуаныслы яңылығы менән уртаҡлашҡан: уның икенсе ҡыҙы Регинаның никахы булған. Ҡыҙҙың һөйгән йәре Радмир исемле.
Тантана йылы мөхиттә үткән. «Был минең тормошомда мөһим ваҡиға булып тора», – тип билдәләй артист. Йырсының ижадын һөйөүселәр йәштәргә именлек, бәхетле һәм мөхәббәтле ғүмер итеүҙәрен теләй.
Бынан алдараҡ Башинформ йырсы Ринат Рәхмәтуллиндың пластик операция яһатыуы тураһында хәбәр иткәйне.