Салауат Юлаев һәйкәлен яңыртыу эштәре Өфөнөң махсуслаштырылған цехында башҡарыла
Салауат Юлаев һәйкәленә бәйле реставрация эштәре Өфө биләмәһендә махсуслаштырылған цехта башҡарыла.
Был хаҡта һәйкәлде реставрациялау телеграм-каналында Мәҙәни мираҫ объекттарын дәүләт һаҡлауы идаралығы етәксеһе, Салауат Юлаев һәйкәлен һаҡлау мәсьәләһе буйынса күҙәтеү советы рәйесе Салауат Ҡолбахтин белдерҙе.
«Иғтибар иткән булһағыҙ, социаль селтәрҙә лә, төрлө майҙансыҡтарҙа ла Сосланбәк Тавасиевтың иҫке фотолары баҫылып сыҡты, унда күренеүенсә, һәйкәл цех шарттарында ҡойолған, уны йыйыу эштәре лә цехта башҡарылған, һуңынан Өфөгә килтерелгән», – тип яҙа Ҡолбахтин.