Өфөлә Еңеүҙең 80 йыллығына арналған тантаналы саралар исемлеге билдәле булды
Өфөлә Еңеүҙең 80 йыллығы айҡанлы тантаналы саралар исемлеге баҫылды. Башҡортостандың баш ҡалаһында ошо мөһим байрамға арналған программа әҙерләнә, тип хәбәр итә Өфө хакимиәте.
Әйтәйек, республиканың иң көслө командалары араһында лазер алышы буйынса Башҡортостан чемпионаты һәм беренселеге, фигуралы шыуыу буйынса республика беренселеге, «Яҙғы ралли-2025» спорт туризмы фестивале, спорт аэробикаһы буйынса Федерация кубогына ҡала ярыштары, Бөтә Рәсәй волейбол турниры һәм башҡа саралар планлаштырыла.
Мәҙәни афишала – патриотик концерттар, күргәҙмәләр, флешмобтар, осрашыуҙар, спектаклдәр, конкурстар һәм ижади акциялар.
