Сибайҙа “Мәҙәниәт марафоны” башланды – унда республиканың иң яҡшы ижади коллективтары тәҡдим иткән концерттар һәм спектаклдәр ҡуйыласаҡ.

Ҡаланың төп мәҙәни майҙансыҡтары – Балалар ижады үҙәге, А. Мөбәрәков исемендәге драма театры, Сибай сәнғәт колледжы һәм “Мир” йәштәр йортонда Башҡорт дәүләт филармонияһы, Сибай һәм Нефтекама дәүләт филармониялары, Ф.Ғәскәров исемендәге халыҡ бейеүҙәре ансамбле, М. Кәрим исемендәге Милли йәштәр театры, М. Ғафури исемендәге башҡорт дәүләт академия драма театры, Башҡорт дәүләт опера һәм балет театры, Магнитогорск консерваторияһы артистары сығыш яһаясаҡ.

Сибайҙар оперетта ҡарай, ҡыллы квартет сығышын һәм Фидан Ғафаровты тыңлай аласаҡ. Шулай уҡ төрлө конкурстарҙа, шул иҫәптән “Көньяҡ Урал тауышы” проектының һайлап алыу турында ҡатнаша аласаҡ.

“Мәҙәниәт марафоны” 8 мартҡа тиклем дауам итәсәк. Концерттарҙың һәм спектаклдәрҙең күпселегенә инеү бушлай.