Вконтакте Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
Башҡортостан гәзите » Йәмғиәт » Хуш киләһең, Мәүлит!

20 ноябрҙә донъя мосолмандары Мөхәммәт пәйғәмбәрҙең тыуған көнөн билдәләй.

Йыл һайын Рабиғел әүүәл айының 12-се көнөндә мосолман донъяһында ҙур тантана – Мәүлит байрамы үткәрелә, ә 11-се кисе Мәүлит кисе булып тора. Риүәйәттәргә ҡарағанда, был төндә һөйөклө пәйғәмбәребеҙ Мөхәммәт Мостафа саллалаһу ғәләйһи үә сәлләм (с.ғ.с.) донъяға килгән. Быйыл ул 20 ноябргә тура килә. “Мәүлит” – ғәрәп һүҙе, беҙҙеңсә тыуыу тигәнде аңлата.

Пәйғәмбәребеҙ Мөхәммәт ғәләй­һис-сәләм миләди йыл иҫәбе менән 570 йылдың 27 апрелендә Мәккәи Мөкәрәмәлә Ҡорайыш ҡәбиләһенең ярлы шим ырыуында донъяға килә. 632 йылда вафат була.

Кешелек донъяһында Аллаһ Тәғәлә тарафынан тәғәйенләнгән 124 мең пәйғәмбәр булған. Ислам диненә ҙур өлөш индергән 25-енең исем-шәрифе Ҡөрьән китабында килте­релгән.

Мөхәммәт ғәләйһис-сәләм – иң һуңғы пәйғәмбәр. Ул 40 йәшендә пәйғәмбәрлек вазифаһын алып, кешеләргә хаҡ динде – ислам динен өйрәтә башлай. 63 йәшендә был яҡты донъянан китә. Ана шул 23 йыл эсендә Ғәрәбстан ярымутрауын мәжүсиҙәрҙән – төрлө һындарға табыныусыларҙан таҙарта һәм бер Аллаға ғына табынырға өндәй, ырыу-ара дошманлыҡ һәм һуғыштарҙан – милли берҙәмлеккә, эскелек менән бәйһеҙлектән – айыҡлыҡ, намыҫ­лылыҡҡа, яңғыҙлыҡ һәм анархиянан – тәртипле тормошҡа, әхлаҡ­һыҙлыҡтан иманлылыҡҡа килтерә. “Кешелек донъяһы тарихы бындай хәлде унан алда ла, унан һуң да белмәй” тип әйтелә Бөтә донъя мосолмандары конференцияһы ҡара­рында.

Мөхәммәт ғәләйһис-сәләм беҙгә Аллаһ Тәғәләнең китабы – Ҡөрьәнде еткергән. Аллаһ Тәғәлә шулай тигән: “Аллаһҡа, Уның рәсүленә һәм Беҙ индергән нурға (Ҡөрьәнгә) иман килтерегеҙ. Аллаһ һеҙҙең эштәре­геҙҙе белә!” (Ҡөрьән, “Үҙ-ара алдашыу” сүрәһе, 64:8).

Мөхәммәт пәйғәмбәр кешелеккә үҙенең тормошо аша Ҡөрьән буйынса нисек йәшәргә кәрәклеген өйрәткән. Шулай итеп, Ҡөрьән Кәрим – ул Аллаһ Тәғәләнең китабы, ә пәйғәмбәребеҙ тормошо – ул ошо китапҡа тере аңлатма һәм үрнәк. Бындай юғары сифаттарға эйә булған кешене һәр ваҡыт иҫкә алып тороу – мосолмандың төп фарызы.

Тағы ла шуны белеү зарур: Мөхәммәт пәйғәмбәрҙең исемен әйткән йә уның турала ишеткән һайын, уға “саллаллаһу ғәләйһи үә сәлләм” тип сәләм еткерергә кәрәк. Был башҡортсаға яҡынса “уға Аллаһтың фатихаһы һәм сәләме булһын” тип тәржемә ителә һәм бик сауаплы һәм күркәм ғәмәл һанала.

Йола буйынса, Мөхәммәт ғәләй­һис-сәләмдең тыуған көнөндә, йәғни Мәүлит байрамында мәсеттәрҙә пәйғәмбәребеҙгә бағышлап хөтбәләр уҡыйҙар, вәғәздәр һөйләйҙәр, салауат әйтәләр. Ислам динен тотоусылар һый-хөрмәт менән табын әҙерләп барлыҡ милләттәштәрен һыйлай.


Автор: Гөлдәр ЯҠШЫҒОЛОВА әҙерләне


Беҙҙе Яндекс Дзен лентаһында уҡығыҙ

В Одноклассниках   Вконтакте





Республикала иң яҡшы Ҡыш бабай һынына конкурс иғлан ителде

Республикала иң яҡшы Ҡыш бабай һынына конкурс иғлан ителде 18.11.2026 // Йәмғиәт

Конкурсҡа йомғаҡ иҫке Яңы йылда – 13 ғинуарҙа яһала....

Тотош уҡырға 0

Баймаҡта пиксель шыршы ҡуя башланылар

Баймаҡта пиксель шыршы ҡуя башланылар 17.11.2026 // Йәмғиәт

Баймаҡта яңы йыл байрамдарына әҙерлек башланды. Салауат Юлаев исемендәге үҙәк паркта белгестәр ......

Тотош уҡырға 3

Башҡортостанда йәшәүселәр республиканың Йәштәр баш ҡалаһы-2027 өсөн тауыш бирә ала
Башҡортостанда хәбәрһеҙ юғалған үҫмерҙең олатаһы ҡапыл вафат булған

Башҡортостанда хәбәрһеҙ юғалған үҫмерҙең олатаһы ҡапыл вафат булған 17.11.2026 // Йәмғиәт

Бар ғүмерен республика тәбиғәтен һаҡлауға бағышлаған Ришат Шакир улы Кәримов 62 йәшендә арабыҙҙан ......

Тотош уҡырға 3

Республикала ишле ғаиләләргә мәктәп формаһы өсөн сертификаттар бирелә башлай

Республикала ишле ғаиләләргә мәктәп формаһы өсөн сертификаттар бирелә башлай 16.11.2026 // Йәмғиәт

Етенсе саҡырылыш Башҡортостан Дәүләт Йыйылышы президиумының 45-се ултырышында беренсе уҡыуҙа ......

Тотош уҡырға 3

Республикала яңы йыл ҡаласыҡтарын асыу ваҡыты һауа торошона бәйле

Республикала яңы йыл ҡаласыҡтарын асыу ваҡыты һауа торошона бәйле 16.11.2026 // Йәмғиәт

Был хаҡта хөкүмәттең оператив кәңәшмәһендә республика Башлығы белдерҙе....

Тотош уҡырға 3

Башҡортостан Башлығы Салауат белем биреү колледжы директорын бүләкләне

Башҡортостан Башлығы Салауат белем биреү колледжы директорын бүләкләне 16.11.2026 // Йәмғиәт

Юғары һөнәри оҫталығы һәм күп йыллыҡ намыҫлы хеҙмәте өсөн колледж етәксеһе «Хеҙмәт батырлығы өсөн» ......

Тотош уҡырға 3

Айсу, Нуринисо һәм Кинйә: Башҡортостанда яңы тыуған сабыйҙарҙың һирәк осраған исемдәре билдәле булды

Айсу, Нуринисо һәм Кинйә: Башҡортостанда яңы тыуған сабыйҙарҙың һирәк осраған исемдәре билдәле булды 16.11.2026 // Йәмғиәт

Айсу, Нуринисо һәм Кинйә: Башҡортостанда яңы тыуған сабыйҙарҙың һирәк осраған исемдәре билдәле булды...

Тотош уҡырға 3

Балтас районынан хеҙмәт ветераны 95 йәшлек юбилейын билдәләне

Балтас районынан хеҙмәт ветераны 95 йәшлек юбилейын билдәләне 13.11.2026 // Йәмғиәт

Балтас районынан хеҙмәт ветераны 95 йәшлек юбилейын билдәләне...

Тотош уҡырға 3

Календарь буйынса туй: 2027 йылда никах теркәү өсөн матур даталар билдәле булды
Республикала Әхәт Мортазиндың иҫтәлегенә дикторҙар конкурсы иғлан ителде
Башҡортостанда ҡар, боҙлауыҡ һәм көслө ел көтөлә

Башҡортостанда ҡар, боҙлауыҡ һәм көслө ел көтөлә 13.11.2026 // Йәмғиәт

Башҡортостанда ҡар, боҙлауыҡ һәм көслө ел көтөлә...

Тотош уҡырға 4


Комментарий өҫтәргә