Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Алағуҙға – ҡуҙ
Алағуҙға – ҡуҙТөбәгебеҙҙә, әл-хәмдү лил-ләһ, иман йорттары күпләп асыла, ҡәрҙәштәребеҙ хаҡ юлға баҫа. Аллаһтың рәхмәтенә өмөт итеп, мәсет һалдырыуға, уны төҙөкләндереүгә үҙ өлөшөн индергәндәр йылдан-йыл күбәйә.

Мәғлүм ки, әҙәм балаһы барлыҡ изге эште Раббыбыҙҙың ризалығы өсөн башҡарырға тейеш. Был хаҡта үҙенең мөбәрәк хәҙисендә Рәсүл Әкрәм ғәләйһис-сәләм дә әйткән. “Изгелекте башҡалар күрһен өсөн ҡылыуҙы, маһайыуҙы, тәкәбберлекте Аллаһ ҡабул итмәй”, – тигән ул. Ҡөрьәндә лә был турала күп төшөндөрөлә. Мәҫәлән, “Әл-Бәҡара” сүрәһендә былай тиелә: “Аллаһ Тәғәләнең юлында ярҙам күрһәтеүселәр, хәйер биреүселәр, гүйә, орлоҡ кеүек. Ул үҫеп етеп, ете башаҡҡа әйләнер. Һәр береһендә йөҙ орлоҡ булыр...” Эйе, ихлас күңелдән башҡарылған изге эшкә Раббыбыҙ сауабын арттырып бирә.
“Бөтөн эш ниәткә бәйле”, – тигән пәйғәмбәребеҙ Мөхәммәт ғәләйһис-сәләм үҙенең мөбәрәк хәҙисендә. Мәсет төҙөү менән генә эш бөтмәй. Ул халыҡҡа тапшырылырға, рәсми теркәлеү үтергә, барлыҡ документтары, имамы, мөтәүилләте (совет) булырға тейеш. Эшмәкәрлекте имам-хатиптың башҡа дини ҡәрҙәштәребеҙ менән кәңәшләшеп алып барыуы, аңлатыу бурысын даими үтәүе фарыз. Мәсеткә йыйылған аҡсаға килгәндә лә, уны ниндәй маҡсатҡа тотоноу кәрәклеген имам, мөтәүилләт ағзалары кәңәшләшеп хәл итергә тейеш. Шул уҡ ваҡытта, мәғлүм ки, иман йортоноң һәр саҡ асыҡ булыуы, халыҡтың килеп йөрөүе, йәмәғәт намаҙҙары, байрамдар үткәрелеүе, аҙан тауышы тынмауы зарур. Бинаны даими тәртиптә тотоу, төҙөкләндереп тороу мөһим. Мәсет – Аллаһ Тәғәләнең йорто. Был хаҡта Ҡөрьәндә аныҡ әйтелгән. Иман йорто ҡарауһыҙ ҡалһа, был урында нур һүнә, ырыҫ-бәрәкәт китә.
Төбәгебеҙҙә, шөкөр, мәсеттәрҙе төҙөкләндереүгә ныҡлы иғтибар бирелә. Күптән түгел, мәҫәлән, Ҡыйғы районының Алағуҙ ауылындағы “Таһир” мәсете яңы һулыш кисерҙе. Был изге ғәмәл “Ғаилә. Ғөрөф-ғәҙәт. Нәсихәт” тип аталған сара барышында атҡа­рылды. Иман йортон төҙөкләндереүгә алағуҙҙар ғына түгел, ҡырҙа ғүмер иткән ауылдаштар ҙа тос өлөш индерҙе. Һөҙөмтәлә ремонтҡа мохтаж­лыҡ кисереп, эшмәкәрлеген күпмелер ваҡытҡа туҡтатып торорға мәжбүр булған “Таһир” ишектәрен яңынан асты. Был ауыл халҡы өсөн тулҡын­лан­дыр­ғыс оло ваҡиға булды. Мәсет Алағуҙға ҡот-бәрәкәт, ҡуҙ өҫтәр тип ышанабыҙ.
Мәсеткә пакланмайынса, таҙарынмайынса инеү – гонаһ. Шуның өсөн түбәндәге талаптарҙы үтәү зарур:
Мәсеткә барыр алдынан мосолман тәненең, кейеменең бөхтә булыуына, үҙенән насар еҫ кил­мәүенә ышанған булырға тейеш.
Аяҡ кейеме ныҡлап таҙартыла, йылы миҙгелдәрҙә тышта ҡалды­рыла.
Кемдер мәсеткә бысраҡ алып кергән икән, тиҙ генә йыйыштырырға тейеш. Иман йортон таҙа итеп һәм тәртиптә тотоу – унда эшләгән­дәрҙең генә түгел, ә ингән, ғибәҙәт ҡылған, етешһеҙлекте беренсе булып күргән һәр кемдең бурысы.
Мәсеттә тәмле еҫ таралһын өсөн еҫле май бөркөргә кәрәк.
Ғөмүмән, Исламда таҙалыҡтың, төҙөклөктөң әһәмиәте баһалап бөткөһөҙ. Аллаһ йортон, үҙебеҙҙең өй-ихатаны, ауылыбыҙҙы тәртиптә тотоп, йәмләп йәшәйек, хөрмәтле ҡәрҙәштәр. Имандың, күңел бөтөнлөгөнөң, йән һәм тән сәләмәтлегенең, еребеҙҙең, халҡыбыҙҙың яҡты киләсәгенең нигеҙе был.

Ҡыйғы районы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Донъя именлеге ниҙән башлана?

Донъя именлеге ниҙән башлана? 29.03.2019 // Иман

Бер хикмәттә, ололарҙың ғүмерен иғтибар, уларҙың кәңәштәрен тыңлай белеү оҙонайта, тиелгән. Бөгөнгө...

Тотош уҡырға 1 466

Юлға фатиха бирер

Юлға фатиха бирер 29.03.2019 // Иман

Мәсетле районының имам-мөхтәсибе Азамат Вәлиев битараф булмаған замандаштарыбыҙҙан изге эштә ярҙам...

Тотош уҡырға 1 381

Апрелдең изге кистәре

Апрелдең изге кистәре 29.03.2019 // Иман

Быйылғы апрель мосолман календары буйынса рәжәб һәм шәғбанға тура килә. Ә был айҙар, мәғлүм ки, иң...

Тотош уҡырға 1 472

Гүзәл затты хәстәрләмәһәк...

Гүзәл затты хәстәрләмәһәк... 01.03.2019 // Иман

Яҙ башында дәүләт тарафынан ҡабул ителгән иң матур байрамдарҙың береһе – 8 Март. Йәшәйештең нигеҙе,...

Тотош уҡырға 1 275

Ниндәй бүләк бирергә?

Ниндәй бүләк бирергә? 01.03.2019 // Иман

Ир-ат ҡатын-ҡыҙҙы байрамда матур бүләктәр менән һөйөндөрөргә тырыша. Исламда быға ниндәй ҡараш?...

Тотош уҡырға 1 892

Рәжәбтә ни сәсһәң,  Рамаҙанда шуны урырһың

Рәжәбтә ни сәсһәң, Рамаҙанда шуны урырһың 01.03.2019 // Иман

Мосолман календары буйынса 1440 йылдың яртыһы ла үтеп бара. Йома, 8 март, етенсе ай рәжәбтең...

Тотош уҡырға 1 473

“Тупһа”ғыҙ ныҡ булһын

“Тупһа”ғыҙ ныҡ булһын 08.02.2019 // Иман

Тупһа – йорттоң көҙгөһө. Ошоға бәйле хикмәтте иҫкә төшөрәйек....

Тотош уҡырға 1 568

Көнсөллөк нимәгә килтерә?

Көнсөллөк нимәгә килтерә? 08.02.2019 // Иман

Һәр әҙәм балаһы донъяла үҙенең көсө еткәнде эшләй. Ә инде төрлө ихтыяждарҙы ҡәнәғәтләндереү – Аллаһ...

Тотош уҡырға 1 722

Ҡөрьән – оло фән

Ҡөрьән – оло фән 08.02.2019 // Иман

Бөгөн – Рәсәй фәне көнө. Ошо уңайҙан мосолман донъяһында ғилемдең тотҡан урыны хаҡында иҫкә алып...

Тотош уҡырға 1 370

Матур кейенһен, биҙәнһен...

Матур кейенһен, биҙәнһен... 08.02.2019 // Иман

Әл-хәмдү лил-ләһ, мосолман ҡатын-ҡыҙы кейеме йылдан-йыл күркәмләнә, зауыҡлыраҡ, сағыуыраҡ була...

Тотош уҡырға 1 327

Һөнәрле ҡулында ҡот уйнай

Һөнәрле ҡулында ҡот уйнай 08.02.2019 // Иман

Үҙ көстәре менән ике ҡатлы ҙур йорт һалып, уңайлы шарттарҙа алты бала тәрбиәләгән, дини ҡанундарҙы...

Тотош уҡырға 1 333

Иргә ниҙәр тыйыла?

Иргә ниҙәр тыйыла? 01.02.2019 // Иман

Пәйғәмбәребеҙ Мөхәммәт ғәләйһис-сәләм мосолман ирҙәрҙе алтын-көмөш менән мауығып китеүҙән тыйған....

Тотош уҡырға 1 599