Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Йома_вәғәзе: Еңеү емештәрен һаҡлайыҡ
Башҡортостан мосолмандарының Диниә назараты рәйесе мөфтөй Нурмөхәмәт хәҙрәт НИҒМӘТУЛЛИН:

– Бисмилләһир-рахмәнир-рахим!
Ватаныбыҙ оло байрамды – Бөйөк Еңеүҙең 73 йыллығын – ҡаршыларға әҙерләнә. Һәр саҡ шатлыҡ, һағыш, күҙ йәштәре менән килгән 9 Май – һәммәбеҙ өсөн юғары әһә­миәткә эйә көн. Әле тыуған еребеҙҙә ышаныслы баҫып торабыҙ, балалар үҫтерәбеҙ, затыбыҙҙы, милләтебеҙҙе ишәйтәбеҙ, рухи ҡиммәттәребеҙҙе һаҡлайбыҙ һәм үҫтерәбеҙ, киләсәккә ҙур маҡсаттар ҡороп йәшәйбеҙ икән, Аллаһ Тәғәләгә шөкөрана ҡылырға, Бөйөк Еңеү­гә өлөш индергән һәр яугиргә, ата-бабабыҙға, тыл хеҙмәтсәндәренә мәңге рәхмәтле булырға бурыслыбыҙ, хөрмәтле ҡәрҙәштәр.
Ватанды яратыу – имандың бер өлөшө. Халҡыбыҙ үҙенең илһөйәрлеген, тыуған еренә, ата-баба аманатына тоғролоғон һәр яуҙа иҫбатлап килгән. Ватанын һаҡлап алып ҡалыу менән бер рәттән именлектең, тыныслыҡтың, татыу йәшәүҙең юғары әһәмиәтен йәнә бер ҡат тәҡрарлаған. Тыуған ер – һәр әҙәм балаһы өсөн иң изге төшөнсә. Ошонда ата-бабаң, атай-әсәйең, туғандарың донъяға килгән, кендек ҡаның тамған, нәҫелең таралған, рухи ҡиммәттәрең яралған... Ғөмүмән, Ватаның айырылғыһыҙ өлөшөңә әүерелгән. Уны яратам тип әйтеп кенә ҡалмайынса, үҫешенә өлөш индерергә, кемдер ҡул һуҙырға маташа икән – яҡларға, һаҡларға, шул уҡ ваҡытта именлеккә, татыулыҡҡа ынтылырға бурыслыбыҙ, хөрмәтле йәмәғәт.
Бөйөк Еңеүҙә диндең өлөшө хаҡында әйтеп үтмәү мөмкин түгел. Мәғлүм ки, был турала һуңғы йылдарҙа айырыуса йыш бәйән ҡылына. Эйе, Икенсе донъя һуғышы тоҡанғас, социалистик ҡоролошло илдә дингә иғтибар бүленә башлаған. Аллаһ Тәғәләнән юғарыраҡ көс юҡлығы тап шундай ауыр ваҡыттарҙа беленә, әҙәм балаһы, ниндәйҙер ауырлыҡ, хәүеф, ҡурҡыныс тыуһа, шунда уҡ Раббыбыҙҙы иҫкә төшөрә бит. Мәғлүм ки, герман һуғышы башланғас, илебеҙ башлығы бар­лыҡ дини етәкселәрҙе саҡырып алып кәңәшләшкән, изге еребеҙҙе һаҡлап ҡалыу өсөн бөтөн мөмкинлекте файҙаланыу кәрәклеген әйткән. Маҡсатҡа ярашлы “Ҡөрьән Кәрим”де, башҡа ди­ни китаптарҙы баҫып сығарырға рөхсәт ителгән. Был, әлбиттә ки, еңеүгә ынтылған кешелеккә ҙур рухи аҙыҡ булған. Һуғыш йылдарында донъя күргән матбуғат баҫмаларында ла дингә урын бүленгән, мосол­мандарҙың күбеһе Аллаһ Тәғәләнән именлек һорап доға уҡыған, хәйер биргән, ғибәҙәт ҡылған. Башҡа дин вәкилдәре лә һис ҡасан юғары көскә ышанысын юғалтмаған.
Бөйөк Еңеү һәр беребеҙҙе имен тормоштоң юғары ҡиммәте, дуҫ-татыу йәшәүҙең әһәмиәте хаҡында тағы бер ҡат уйланырға, фекер йөрөтөргә мәжбүр итһен ине, хөрмәтле ҡәрҙәштәр. Ватандаштарыбыҙҙың, илһөйәр ата-бабабыҙҙың ҡаһарманлыҡ, тыл хеҙмәтсәндәренең фиҙакәрлек, сабырлыҡ емештәрен ҡәҙерләп һаҡлаһаҡсы. Бер-бере­беҙгә ҡарата иғтибарлы, ихтирамлы булһаҡ, янъялға сәбәп эҙләп йөрөмәйенсә, татыу йәшәргә ты­рышһаҡ, изгелек итһәк, иншаллаһ, именлектең тамыры нығыныр, тармаҡланыуын дауам итер. Тыуған илде яратыу – алда әйтелгәнсә, халҡыңдың, төйәгеңдең бөгөнгөһө һәм киләсәге өсөн үҙ өлөшөңдө индереү ул. Һуғыш йылдарын үткән быуын вәкилдәре, ошо бурысын юғары кимәлдә үтәп, илебеҙ именлегенә нигеҙ һалды.
Еңеү яулаған вете­рандарыбыҙ, ҡыҙғанысҡа ҡаршы, йылдан-йыл кәмей. Улар йәмғиәт тарафынан да, власть яғынан да тейешле ҡәҙер-хөрмәт күреп йәшәргә хаҡлы. Үҙҙәренә ихлас күңелдән рәхмәт һүҙҙәребеҙҙе әйтеп, ихтирамыбыҙҙы күрһәтеп өлгөрәйек, йәмәғәт. “Кем дә кем балаларға, йәштәргә мәрхәмәтле түгел, шулай уҡ өлкән йәштәгеләргә иғтибар бүлмәй икән, минең өммәтемдән булмаҫ”, – тигән Мөхәммәт ғәләйһис-сәләм. Пәйғәмбәребеҙҙең “Мосол­ман­дың ҡулынан да, теленән дә һис кем зыян күр­мәҫ” тигән хәҙисен дә иҫтән сығар­майынса, Аллаһ Тәғәлә тарафынан бер тапҡыр ғына бирелгән ғүмерен илгә именлек яулауға бағыш­лаған өлкән быуын вәкилдәрен онот­майыҡ, иҫәндәренең ҡәҙерен беләйек, хөрмәтле ҡәр­ҙәштәр. Баҡыйлыҡҡа күскән ҡаһар­ман­дарыбыҙ­ҙың рухы яҡты, әле арабыҙҙа йәшәгән вете­рандарыбыҙҙың сәләмәтлеге ныҡлы, күңеле бөтөн булһын, иншаллаһ. Һәммәбеҙгә лә тыныслыҡтың, имен тормоштоң, татыулыҡтың баһаһын аңлап, гелән шул маҡсатҡа ынтылып йәшәргә яҙһын. Әс-сәләмү-ғәләйкүм үә рәхмәтул-лаһи вә бәрәкәтүһ! Амин.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Донъя именлеге ниҙән башлана?

Донъя именлеге ниҙән башлана? 29.03.2019 // Иман

Бер хикмәттә, ололарҙың ғүмерен иғтибар, уларҙың кәңәштәрен тыңлай белеү оҙонайта, тиелгән. Бөгөнгө...

Тотош уҡырға 1 466

Юлға фатиха бирер

Юлға фатиха бирер 29.03.2019 // Иман

Мәсетле районының имам-мөхтәсибе Азамат Вәлиев битараф булмаған замандаштарыбыҙҙан изге эштә ярҙам...

Тотош уҡырға 1 381

Апрелдең изге кистәре

Апрелдең изге кистәре 29.03.2019 // Иман

Быйылғы апрель мосолман календары буйынса рәжәб һәм шәғбанға тура килә. Ә был айҙар, мәғлүм ки, иң...

Тотош уҡырға 1 472

Гүзәл затты хәстәрләмәһәк...

Гүзәл затты хәстәрләмәһәк... 01.03.2019 // Иман

Яҙ башында дәүләт тарафынан ҡабул ителгән иң матур байрамдарҙың береһе – 8 Март. Йәшәйештең нигеҙе,...

Тотош уҡырға 1 274

Ниндәй бүләк бирергә?

Ниндәй бүләк бирергә? 01.03.2019 // Иман

Ир-ат ҡатын-ҡыҙҙы байрамда матур бүләктәр менән һөйөндөрөргә тырыша. Исламда быға ниндәй ҡараш?...

Тотош уҡырға 1 892

Рәжәбтә ни сәсһәң,  Рамаҙанда шуны урырһың

Рәжәбтә ни сәсһәң, Рамаҙанда шуны урырһың 01.03.2019 // Иман

Мосолман календары буйынса 1440 йылдың яртыһы ла үтеп бара. Йома, 8 март, етенсе ай рәжәбтең...

Тотош уҡырға 1 473

“Тупһа”ғыҙ ныҡ булһын

“Тупһа”ғыҙ ныҡ булһын 08.02.2019 // Иман

Тупһа – йорттоң көҙгөһө. Ошоға бәйле хикмәтте иҫкә төшөрәйек....

Тотош уҡырға 1 568

Көнсөллөк нимәгә килтерә?

Көнсөллөк нимәгә килтерә? 08.02.2019 // Иман

Һәр әҙәм балаһы донъяла үҙенең көсө еткәнде эшләй. Ә инде төрлө ихтыяждарҙы ҡәнәғәтләндереү – Аллаһ...

Тотош уҡырға 1 720

Ҡөрьән – оло фән

Ҡөрьән – оло фән 08.02.2019 // Иман

Бөгөн – Рәсәй фәне көнө. Ошо уңайҙан мосолман донъяһында ғилемдең тотҡан урыны хаҡында иҫкә алып...

Тотош уҡырға 1 369

Матур кейенһен, биҙәнһен...

Матур кейенһен, биҙәнһен... 08.02.2019 // Иман

Әл-хәмдү лил-ләһ, мосолман ҡатын-ҡыҙы кейеме йылдан-йыл күркәмләнә, зауыҡлыраҡ, сағыуыраҡ була...

Тотош уҡырға 1 326

Һөнәрле ҡулында ҡот уйнай

Һөнәрле ҡулында ҡот уйнай 08.02.2019 // Иман

Үҙ көстәре менән ике ҡатлы ҙур йорт һалып, уңайлы шарттарҙа алты бала тәрбиәләгән, дини ҡанундарҙы...

Тотош уҡырға 1 333

Иргә ниҙәр тыйыла?

Иргә ниҙәр тыйыла? 01.02.2019 // Иман

Пәйғәмбәребеҙ Мөхәммәт ғәләйһис-сәләм мосолман ирҙәрҙе алтын-көмөш менән мауығып китеүҙән тыйған....

Тотош уҡырға 1 598