Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Башҡаны фәрештә тип бел
– Мин бәләкәй саҡта яһиллығы, хатта ки әҙәпһеҙлеге менән дан алған бер инәй хәҙер аят-доға уҡып, дини мәжлестәрҙең уртаһында йөрөй. Ауыл халҡы хәйерҙе лә тап уға бирә. Ә минең был инәйгә күңелем тартмай, элекке холҡо иҫемдән сыҡмай...
Р. ҒАЙСИНА.
Белорет районы.


Башҡортостан мосолман­дарының Диниә назараты рәйесе мөфтөй Нурмөхәмәт хәҙрәт НИҒМӘТУЛЛИН:
– Бисмилләһир-рахмәнир-рахим!
Яуапты динебеҙ тарихынан башлайыҡ. Пәйғәмбәребеҙ Мө­хәм­мәт ғәләйһис-сәләм Әбү Муса әл Әшәриҙе үҙенең вәкиле итеп Йәмәнгә ебәрә. Уға сит ерҙә динебеҙҙе тарата башлау алымдарын өйрәтә. “Эште “Лә Иләһә Илләл-лаһ!” һүҙенән башла”, – ти, әммә ваҡыт ҡуймай. Был са­ҡырыу “Ҡөрьән Кәрим” тәғлимәте буйынса башҡарылырға тейеш: изге китапта, мәғлүм ки, әҙәм балаһының күңелен күркәм вәғәз, ипле, матур, мәғәнәле һүҙ менән генә яулау мөмкинлеге хаҡында әйтелә. “Башҡа дин әһелдәре менән бәхәскә ингән хәлдә лә, һәр нәмәне ныҡлы уйлап, аҡыл менән үлсәп һөйләргә кәрәк”, – тиелә.
“Саҡырыуҙы ҡабул иткәндәрҙе артабан намаҙға өйрәт”, – ти сәхәбәгә Мөхәммәт ғәләйһис-сәләм. Йәнә ваҡыт билдәләмәй. Унан инде сит ерҙә ураҙаны, зәҡәтте һәм башҡа ғибәҙәт-ғәмәлдәрҙе өйрәтеү бурысын ҡуя. Был эштәрҙең дә ниндәй ваҡытта үтәлергә тейешлеге тураһында әйтмәй. Ошонан сығып нимә әйтергә мөмкин, хөрмәтле ҡәрҙәштәр? Исламға килеү тиҙ арала башҡарыла торған эш түгел. Хатта ки “Ҡөрьән Кәрим” дә бит 23 йыл дауамында төҙөлгән. Изгелек, сауап, гонаһты аңлатыуҙан башланған изге китап, мосолман ҡанундарының һәр береһенә айырым туҡталып, “Исламда булырға ризабыҙ” тигән төшөнсәне биргән аят менән тамамлана.
Эйе, барыһы ла ваҡытҡа бәйләнгән. Бер-беребеҙҙе ҡабаландырып, үткәненән сүп эҙләп, халҡыбыҙҙың әкренләп иманға ҡайтыуына ҡаршылыҡ күрһәтмәйек, хөрмәтле ҡәрҙәштәр. Һөҙөмтәлә хатта ки башланған эштең дә селпәрәмә килеүе ихтимал. Әҙәм балалары бит төрлө. Бе­рәү­ҙәр һәр көндөң, сә­ғәттең ҡәҙерен бе­леп, үҫешкә, камиллыҡҡа ынтылһа, икенселәргә бындай ихтыяж һуңлабыраҡ килә. Шул уҡ ваҡытта һәр нәмәгә тиҙ генә өлгәшеү ҙә мөмкин түгел. Тимәк, әгәр ҙә кемдер элек ниндәйҙер хата эшләгән, ләкин ваҡыт үтеү менән үҙгәреп, Исламға килгән икән, был хәлде шатланып, ҡыуанып ҡабул итергә тейешбеҙ. Пәйғәмбәребеҙ Мөхәммәт ғәләйһис-сәләм үҙенең мөбәрәк хәҙисендә: “Аллаһ Тәғәлә тәүбәгә килгән әҙәмдең гонаһтарын кисерә”, – тигән бит.
Ғөмүмән, “Һин әүәл шулай ҡылана инең, хәҙер әллә кем булып йөрөйһөң” тигәнерәк һүҙҙәр менән башҡаны кәмһетергә, мыҫҡылларға тырышыу мосолманға бөтөнләй килешмәй, динебеҙ бындай мөнәсәбәтте һис ҡабул итмәй. Ундай түбәнлеккә төшмәйек, хөрмәтле ҡәрҙәштәр, юғарылыҡҡа ынтылайыҡ. Хаҡ юлға аяҡ баҫырға тырышҡан һәр кемгә йылы мөнәсәбәт, яҡты йөҙ, яҡшы кәңәш менән ярҙам итергә тырышайыҡ, уның иманын, ғилемен арттырыу өсөн күмәкләп көс һалайыҡ. Мосолман башҡаларҙың уңышына шатлана, кәмселеген күрһә, көйөнә һәм етешһеҙлектәренән ҡотҡарыуға барлыҡ көсөн һалырға бурыслы. Халҡыбыҙҙың “Үҙеңдән башҡаны фәрештә тип бел” тигән матур әйтемен дә онотмаһаҡ ине. Уның нигеҙендә ҙур хикмәт, аҡыл ята.
Халҡыбыҙ нисәмә йылдар буйы диндән ситләшеп йәшәргә мәжбүр ителде. Бер нисә быуын башҡа тәрбиә алып үҫте. Ошондай һынауҙан һуң әкренләп иманға ҡайтабыҙ икән, был юлда бер-беребеҙгә терәк-таяныс булырға тейешбеҙ. Кәмәне берәүҙәр алға ҡарай йүнәлткәндә, икенселәр артҡа һөйрәргә тырышһа, барыр юлына кәртә ҡорорға маташһа, нимә килеп сығыр? Батыуы ихтимал бит. Шуның шикелле уртаҡ маҡсатыбыҙҙы, изге ниәттәребеҙҙе тормошҡа ашырыу юлында бер йүнәлеште һайлайыҡ. Аллаһ Тәғәлә һәммәбеҙгә лә ваҡыттың, Ислам биргән ниғмәттәрҙең ҡәҙерен белеп, бер-беребеҙгә ихтирам, хөрмәт күрһәтеп, ярҙам итеп йәшәргә насип ҡылһын, иншаллаһ. Әс-сәләмү-ғәләйкүм үә рәхмәтул-лаһи үә бәрәкәтүһ! Амин.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Донъя именлеге ниҙән башлана?

Донъя именлеге ниҙән башлана? 29.03.2019 // Иман

Бер хикмәттә, ололарҙың ғүмерен иғтибар, уларҙың кәңәштәрен тыңлай белеү оҙонайта, тиелгән. Бөгөнгө...

Тотош уҡырға 1 466

Юлға фатиха бирер

Юлға фатиха бирер 29.03.2019 // Иман

Мәсетле районының имам-мөхтәсибе Азамат Вәлиев битараф булмаған замандаштарыбыҙҙан изге эштә ярҙам...

Тотош уҡырға 1 381

Апрелдең изге кистәре

Апрелдең изге кистәре 29.03.2019 // Иман

Быйылғы апрель мосолман календары буйынса рәжәб һәм шәғбанға тура килә. Ә был айҙар, мәғлүм ки, иң...

Тотош уҡырға 1 472

Гүзәл затты хәстәрләмәһәк...

Гүзәл затты хәстәрләмәһәк... 01.03.2019 // Иман

Яҙ башында дәүләт тарафынан ҡабул ителгән иң матур байрамдарҙың береһе – 8 Март. Йәшәйештең нигеҙе,...

Тотош уҡырға 1 275

Ниндәй бүләк бирергә?

Ниндәй бүләк бирергә? 01.03.2019 // Иман

Ир-ат ҡатын-ҡыҙҙы байрамда матур бүләктәр менән һөйөндөрөргә тырыша. Исламда быға ниндәй ҡараш?...

Тотош уҡырға 1 892

Рәжәбтә ни сәсһәң,  Рамаҙанда шуны урырһың

Рәжәбтә ни сәсһәң, Рамаҙанда шуны урырһың 01.03.2019 // Иман

Мосолман календары буйынса 1440 йылдың яртыһы ла үтеп бара. Йома, 8 март, етенсе ай рәжәбтең...

Тотош уҡырға 1 473

“Тупһа”ғыҙ ныҡ булһын

“Тупһа”ғыҙ ныҡ булһын 08.02.2019 // Иман

Тупһа – йорттоң көҙгөһө. Ошоға бәйле хикмәтте иҫкә төшөрәйек....

Тотош уҡырға 1 568

Көнсөллөк нимәгә килтерә?

Көнсөллөк нимәгә килтерә? 08.02.2019 // Иман

Һәр әҙәм балаһы донъяла үҙенең көсө еткәнде эшләй. Ә инде төрлө ихтыяждарҙы ҡәнәғәтләндереү – Аллаһ...

Тотош уҡырға 1 722

Ҡөрьән – оло фән

Ҡөрьән – оло фән 08.02.2019 // Иман

Бөгөн – Рәсәй фәне көнө. Ошо уңайҙан мосолман донъяһында ғилемдең тотҡан урыны хаҡында иҫкә алып...

Тотош уҡырға 1 369

Матур кейенһен, биҙәнһен...

Матур кейенһен, биҙәнһен... 08.02.2019 // Иман

Әл-хәмдү лил-ләһ, мосолман ҡатын-ҡыҙы кейеме йылдан-йыл күркәмләнә, зауыҡлыраҡ, сағыуыраҡ була...

Тотош уҡырға 1 327

Һөнәрле ҡулында ҡот уйнай

Һөнәрле ҡулында ҡот уйнай 08.02.2019 // Иман

Үҙ көстәре менән ике ҡатлы ҙур йорт һалып, уңайлы шарттарҙа алты бала тәрбиәләгән, дини ҡанундарҙы...

Тотош уҡырға 1 333

Иргә ниҙәр тыйыла?

Иргә ниҙәр тыйыла? 01.02.2019 // Иман

Пәйғәмбәребеҙ Мөхәммәт ғәләйһис-сәләм мосолман ирҙәрҙе алтын-көмөш менән мауығып китеүҙән тыйған....

Тотош уҡырға 1 599