Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ауырыһаң, ураҙаны туҡтатып тор
– Әсәйем өс йыл рәттән ураҙа тота. Быйыл да изге ғибәҙәтте үтәп йөрөй ине, ҡапыл һыуыҡ тейҙереп ауырып китте. Ураҙаңды туҡтатып тор, дауалан, тиһәк тә, тыңламай, ғәмәлен дауам итә. Ни әйтерһегеҙ, Нурмөхәмәт хәҙрәт?

Т. ҠОРМАНОВА.

Бөрйән районы.


Башҡортостан мосолмандарының Диниә назараты рәйесе мөфтөй Нурмөхәмәт хәҙрәт НИҒМӘТУЛЛИН:
– Бисмилләһир-рахмә­нир-рахим!
Хөрмәтле ҡәрҙәштәр, изге Рамаҙан шәриф айында һәммәгеҙҙе лә ихлас тәбрикләйем. Тотҡан ураҙа­ларыбыҙ ҡабул ҡылынһын, доғаларыбыҙ яуап алһын, иншаллаһ!
Рамаҙандың яртыһы үтеп тә китте. Әл-хәмдү лил-ләһ, Аллаһ Тәғәлә ураҙа тотҡандарға уңайлы көндәр бирҙе: ҡояш ҡыҙҙырған мәлдә лә еләҫ ел иҫеп торҙо, ямғыры ла ваҡытында ҡойоп үтте. Раббыбыҙ шулай үҙенең рәхмәтенә өлгәшергә теләгән әҙәмдәренә еңеллек ебәрҙе. Алдағы көндәрҙе лә сабырлыҡ менән бергәләп үткәрербеҙ, иншаллаһ.
Ураҙа тотҡандарҙың йылдан-йыл күбәйә барыуы һөйөнөслө. Майҙан киңәйгән һайын, һис шикһеҙ, ерҙә иман нығыраҡ тамыр йәйер. Ғәмәлде үтәгәндәрҙең йәшенә килгәндә, Исламда ҡыҙ бала – туғыҙ, малайҙар 12-13-тән бәлиғ һанала. Тимәк, ураҙа тотоуҙы ошо ваҡыттан башлау дөрөҫ була. Ныҡ өлкән йәштәгеләргә иһә, әгәр һаулығы мөмкинлек бирмәй икән, ғәмәлде үтәмәҫкә рөхсәт ителә. Урынына фидиә саҙаҡаһы бирә алалар. Мәғлүм ки, уның күләме быйыл көнөнә 150 һумдан иҫәпләнде. Был аҡсаны мәсеткә һалырға, етем, ауырыу йәки матди хәле насар ғаиләлә тәрбиәләнгән бала өсөн бирергә мөмкин. Ризыҡлата тапшырыу ҙа рөхсәт ителә.
Шул уҡ ваҡытта бәғзеләргә, бик теләгән хәлдә лә, сәләмәтлеге ураҙа тоторға мөмкинлек бирмәй икән, бының урынына фидиә саҙаҡаһы тапшырырға була. Хәҙер бит хроник сирлеләр күп. Айырыуса ашҡаҙан-эсәк юлы, шәкәр диабеты, йөрәк-ҡан тамырҙары сирҙәре һәм башҡа ауырыуҙар киң тарала. Кеше, үҙ хәлен белә тороп та, табиптың ҡаршы төшөүенә лә ҡолаҡ һалмайынса, асығып йөрөп, һөҙөмтәлә организмына ҙур зарар килтерә икән, уның ураҙаһының сауабы булмай. Быны, хөрмәтле ҡәрҙәштәр, диндарлыҡ тип түгел, ә Хоҙай күрһәткән юлдан ситкә тайпылыу тип аңларға кәрәк. Аллаһ Тәғәлә биргән рөхсәттән файҙаланыу зарур.
Ә әлеге һорауҙа аңлашылыуынса, ҡәрҙәшебеҙ ваҡытлы сир тейҙергән. Бындай осраҡта ураҙаны туҡтатып тороп, ҡазаға ҡалдырырға рөхсәт ителә. “Беҙ һеҙгә ауырлыҡ теләмәйбеҙ”, – тиелгән “Ҡөрьән Кәрим”дә. Сирҙе ваҡытында дауала­майһың икән, уның көсәйеп китеүе, һөҙөмтәлә насар эҙемтәгә килтереүе ихтимал бит. “Үҙегеҙҙе үҙ ҡулығыҙ менән һәләкәткә алып бармағыҙ”, ти Ҡөрьән. Пәйғәмбәребеҙ ҙә хәҙистәрендә сәләмәтлеккә ҡарата иғтибарлы булырға өндәгән. “Йә, Рәсүлуллаһ, ауырыһаҡ, дауаланайыҡмы, әллә Аллаһ Тәғәлә шифаһын ебәрерме?” – тип һораған бер мәл сәхәбәләр Мөхәммәт ғәләйһис-сәләмдән. “Дауаланығыҙ, – тигән Пәйғәмбәребеҙ. – Шул саҡта Аллаһ Тәғәлә шифаһын юллар”. Тимәк, хөрмәтле ҡәрҙәштәр, Раббыбыҙ ауырыған саҡта ураҙаны туҡтатып торорға, дауаланырға рөхсәт бирә икән, был еңеллектән файҙаланырға тейешбеҙ. Әҙәм балаһын юҡтан бар итеп яралтҡан Аллаһ Тәғәлә беҙҙең хәлде үҙебеҙҙән яҡшыраҡ белә.
Һау-сәләмәт булған барыбыҙға ла иһә Аллаһ Тәғәлә ураҙаны ҡалдырмай тоторға насип ҡылһын. Боронғоларҙан ҡалған өлгө был. Рамаҙан айы ниндәй генә ваҡытҡа — бесән, ураҡ мәленәме, селләгәме — тура килһә лә, улар изге ғибәҙәтте ҡалдырмаған. Ошо үрнәкте дауам итергә яҙһын, хөрмәтле ҡәрҙәштәр. Әс-сәләмү-ғәләйкүм үә рәхмәтул-лаһи үә бәрәкәтүһ! Амин.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Донъя именлеге ниҙән башлана?

Донъя именлеге ниҙән башлана? 29.03.2019 // Иман

Бер хикмәттә, ололарҙың ғүмерен иғтибар, уларҙың кәңәштәрен тыңлай белеү оҙонайта, тиелгән. Бөгөнгө...

Тотош уҡырға 1 466

Юлға фатиха бирер

Юлға фатиха бирер 29.03.2019 // Иман

Мәсетле районының имам-мөхтәсибе Азамат Вәлиев битараф булмаған замандаштарыбыҙҙан изге эштә ярҙам...

Тотош уҡырға 1 381

Апрелдең изге кистәре

Апрелдең изге кистәре 29.03.2019 // Иман

Быйылғы апрель мосолман календары буйынса рәжәб һәм шәғбанға тура килә. Ә был айҙар, мәғлүм ки, иң...

Тотош уҡырға 1 472

Гүзәл затты хәстәрләмәһәк...

Гүзәл затты хәстәрләмәһәк... 01.03.2019 // Иман

Яҙ башында дәүләт тарафынан ҡабул ителгән иң матур байрамдарҙың береһе – 8 Март. Йәшәйештең нигеҙе,...

Тотош уҡырға 1 275

Ниндәй бүләк бирергә?

Ниндәй бүләк бирергә? 01.03.2019 // Иман

Ир-ат ҡатын-ҡыҙҙы байрамда матур бүләктәр менән һөйөндөрөргә тырыша. Исламда быға ниндәй ҡараш?...

Тотош уҡырға 1 892

Рәжәбтә ни сәсһәң,  Рамаҙанда шуны урырһың

Рәжәбтә ни сәсһәң, Рамаҙанда шуны урырһың 01.03.2019 // Иман

Мосолман календары буйынса 1440 йылдың яртыһы ла үтеп бара. Йома, 8 март, етенсе ай рәжәбтең...

Тотош уҡырға 1 473

“Тупһа”ғыҙ ныҡ булһын

“Тупһа”ғыҙ ныҡ булһын 08.02.2019 // Иман

Тупһа – йорттоң көҙгөһө. Ошоға бәйле хикмәтте иҫкә төшөрәйек....

Тотош уҡырға 1 568

Көнсөллөк нимәгә килтерә?

Көнсөллөк нимәгә килтерә? 08.02.2019 // Иман

Һәр әҙәм балаһы донъяла үҙенең көсө еткәнде эшләй. Ә инде төрлө ихтыяждарҙы ҡәнәғәтләндереү – Аллаһ...

Тотош уҡырға 1 722

Ҡөрьән – оло фән

Ҡөрьән – оло фән 08.02.2019 // Иман

Бөгөн – Рәсәй фәне көнө. Ошо уңайҙан мосолман донъяһында ғилемдең тотҡан урыны хаҡында иҫкә алып...

Тотош уҡырға 1 369

Матур кейенһен, биҙәнһен...

Матур кейенһен, биҙәнһен... 08.02.2019 // Иман

Әл-хәмдү лил-ләһ, мосолман ҡатын-ҡыҙы кейеме йылдан-йыл күркәмләнә, зауыҡлыраҡ, сағыуыраҡ була...

Тотош уҡырға 1 327

Һөнәрле ҡулында ҡот уйнай

Һөнәрле ҡулында ҡот уйнай 08.02.2019 // Иман

Үҙ көстәре менән ике ҡатлы ҙур йорт һалып, уңайлы шарттарҙа алты бала тәрбиәләгән, дини ҡанундарҙы...

Тотош уҡырға 1 333

Иргә ниҙәр тыйыла?

Иргә ниҙәр тыйыла? 01.02.2019 // Иман

Пәйғәмбәребеҙ Мөхәммәт ғәләйһис-сәләм мосолман ирҙәрҙе алтын-көмөш менән мауығып китеүҙән тыйған....

Тотош уҡырға 1 599