Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Милли матбуғат йәшәһен тиһәк...
– Белеүебеҙсә, милли матбуғаттың хәле йылдан-йыл көсөргәнешле була бара. Гәзит-журналға хаҡ арта, тираж кәмей... Мат­буғатҡа яҙылыу барышында был йәһәттән халыҡҡа ниҙәр әйтерһегеҙ, Нурмөхәмәт хәҙрәт?

Сәйҙә СӘЙӘХОВА.
Бөрйән районы.


– Бисмилләһир-рахмәнир-рахим!
Милләттең төп ни­геҙе – бер бөтөндө тәшкил иткән тел һәм мәҙәниәт. Иғтибар күр­һәтелә икән, улар йәшәйәсәк. Үҫһен, сәскәһе менән һөйөн­дөрһөн өсөн гөлгә һыу ҡойорға, ерен йомшартырға кәрәк, ә күңел ҡатмаһын тиһәң, изгелек эш­ләү, яҡшы һүҙ мөһим. Шуның шикелле телебеҙ һәм мәҙәниәтебеҙ ҙә даими иғтибарға, хәс­тәрлеккә мохтаж. Рухи ҡиммәттәребеҙ беҙҙең ярҙамға бөгөн айырыуса ихтыяж кисерә, хөрмәтле ҡәрҙәштәр. Бөйөк Әхмәтзәки Вәлиди “Башҡорт халҡына хушлашыу хаты”нда теле­беҙгә һәм динебеҙгә көслө һөжүм буласағы тураһында иҫкәрткән. Беләһегеҙ: был һүҙҙәрҙе тарих иҫбатланы. Рухи ҡиммәттәребеҙгә иғ­тибарлы, һаҡсыл ҡарашта булһаҡ, иншаллаһ, элекке хаталар ҡабатланмаҫ.
Ошо изге бурыстар араһында, хөрмәтле ҡәрҙәштәр, милли матбуғат мәсьәләһе лә бар. Мәғлүм булыуынса, һуңғы йылдарҙа гәзит-журналдың тиражы бермә-бер кәмене. Бының төп сәбәбе, әлбиттә, тормошобоҙға Интернет селтәренең ныҡлы үтеп инә барыуында. Һө­ҙөм­тәлә республикабыҙ менән бергә “тыуған”, тарихыбыҙ йылъяҙмаһын туплаған, ата-ба­бабыҙҙы тәрбиәләгән, төрлө ҡатмарлы осорҙа халыҡ менән ҡулға-ҡул тотоношоп алға атла­ған, уға рух, йәшәүгә көс-ҡеүәт биргән, быуындар сылбырын өҙмәй һаҡлаған, телебеҙҙе, мәҙәниәтебеҙҙе ҡурсалап, бөгөнгәсә килтереп еткергән милли матбуғат баҫмалары “яр ситендә” тороп ҡалды кеүек. Улар, алда әйтеп үткәнемсә, нәҡ беҙҙең ярҙамға мохтаж. Рухи ҡиммәттәребеҙҙе һаҡларға теләйбеҙ икән, үҙебеҙҙең гәзит-журналға яҙылайыҡ, хөрмәтле ҡәрҙәштәр!
“Аҡса юҡ”, – тиер ҡайһы берәүҙәр. Матди хәлдең мөшкөллөгөнә һылтанһаҡ, ошо “юҡ”тан уҙа алмаясаҡбыҙ. Ә инде булғанына шөкөр итеп, килемде дөрөҫ тотонһаҡ, Аллаһ Тәғәлә тормошобоҙға бәрәкәтен юллар. Һәр бала донъяға килгән һайын, ғаиләлә ҡот арта бит, шуның шикелле, аҡса гәзит-журналға яҙы­лыуға ғына түгел, башҡа кәрәк-яраҡҡа ла етер.
Элек быуындар бәйләнеше ныҡлыраҡ була торғайны кеүек. Хәҙер иһә ҡайһы бер ғаилә­ләрҙә һәр кем үҙ яйына йәшәй. Олатай-өләсәй, атай-әсәй, балалар бергә булырға, төрлө мәсьәләне уртаға һалып һөйләшергә, фекер алышырға тейеш. Милли матбуғатты ла ошолай уртаҡ рухи таянысыбыҙ итеп алһаҡ, уны күмәкләп уҡыһаҡ ине, хөрмәтле ҡәрҙәштәр. Балаларыбыҙ гәзит-журналды белеп, яратып үҫһен, тарихының дауам итеүенә өлөш индер­һен, тип теләйем. Шулай икән, иншаллаһ, йәш быуын телһөйәр, илһөйәр булып буй еткереп, халҡыбыҙҙың яҡты киләсәген тәьмин итер. Әс-сәләмү-ғәләйкүм үә рәхмәтул-лаһи үә бәрә­кәтүһ! Амин.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә

  1. Сайда
    Сайда от 11.01.2015, 21:24
    Рәхмәт Һеҙгә!!! Амин ,шулай булһын!!!

    Рәхмәт Һеҙгә!!! Амин,шулай булһын!!!






Донъя именлеге ниҙән башлана?

Донъя именлеге ниҙән башлана? 29.03.2019 // Иман

Бер хикмәттә, ололарҙың ғүмерен иғтибар, уларҙың кәңәштәрен тыңлай белеү оҙонайта, тиелгән. Бөгөнгө...

Тотош уҡырға 1 466

Юлға фатиха бирер

Юлға фатиха бирер 29.03.2019 // Иман

Мәсетле районының имам-мөхтәсибе Азамат Вәлиев битараф булмаған замандаштарыбыҙҙан изге эштә ярҙам...

Тотош уҡырға 1 381

Апрелдең изге кистәре

Апрелдең изге кистәре 29.03.2019 // Иман

Быйылғы апрель мосолман календары буйынса рәжәб һәм шәғбанға тура килә. Ә был айҙар, мәғлүм ки, иң...

Тотош уҡырға 1 472

Гүзәл затты хәстәрләмәһәк...

Гүзәл затты хәстәрләмәһәк... 01.03.2019 // Иман

Яҙ башында дәүләт тарафынан ҡабул ителгән иң матур байрамдарҙың береһе – 8 Март. Йәшәйештең нигеҙе,...

Тотош уҡырға 1 274

Ниндәй бүләк бирергә?

Ниндәй бүләк бирергә? 01.03.2019 // Иман

Ир-ат ҡатын-ҡыҙҙы байрамда матур бүләктәр менән һөйөндөрөргә тырыша. Исламда быға ниндәй ҡараш?...

Тотош уҡырға 1 892

Рәжәбтә ни сәсһәң,  Рамаҙанда шуны урырһың

Рәжәбтә ни сәсһәң, Рамаҙанда шуны урырһың 01.03.2019 // Иман

Мосолман календары буйынса 1440 йылдың яртыһы ла үтеп бара. Йома, 8 март, етенсе ай рәжәбтең...

Тотош уҡырға 1 473

“Тупһа”ғыҙ ныҡ булһын

“Тупһа”ғыҙ ныҡ булһын 08.02.2019 // Иман

Тупһа – йорттоң көҙгөһө. Ошоға бәйле хикмәтте иҫкә төшөрәйек....

Тотош уҡырға 1 568

Көнсөллөк нимәгә килтерә?

Көнсөллөк нимәгә килтерә? 08.02.2019 // Иман

Һәр әҙәм балаһы донъяла үҙенең көсө еткәнде эшләй. Ә инде төрлө ихтыяждарҙы ҡәнәғәтләндереү – Аллаһ...

Тотош уҡырға 1 720

Ҡөрьән – оло фән

Ҡөрьән – оло фән 08.02.2019 // Иман

Бөгөн – Рәсәй фәне көнө. Ошо уңайҙан мосолман донъяһында ғилемдең тотҡан урыны хаҡында иҫкә алып...

Тотош уҡырға 1 369

Матур кейенһен, биҙәнһен...

Матур кейенһен, биҙәнһен... 08.02.2019 // Иман

Әл-хәмдү лил-ләһ, мосолман ҡатын-ҡыҙы кейеме йылдан-йыл күркәмләнә, зауыҡлыраҡ, сағыуыраҡ була...

Тотош уҡырға 1 326

Һөнәрле ҡулында ҡот уйнай

Һөнәрле ҡулында ҡот уйнай 08.02.2019 // Иман

Үҙ көстәре менән ике ҡатлы ҙур йорт һалып, уңайлы шарттарҙа алты бала тәрбиәләгән, дини ҡанундарҙы...

Тотош уҡырға 1 333

Иргә ниҙәр тыйыла?

Иргә ниҙәр тыйыла? 01.02.2019 // Иман

Пәйғәмбәребеҙ Мөхәммәт ғәләйһис-сәләм мосолман ирҙәрҙе алтын-көмөш менән мауығып китеүҙән тыйған....

Тотош уҡырға 1 598