Фермерҙарҙың өлөшө ҙур Быйыл Башҡортостандағы фермер хужалыҡтары 48 мең тонна һөт етештергән.
Был күрһәткес буйынса иң һөҙөмтәле эшләгәндәр — Иглин районында: 2,2 мең тонна. Ауырғазы, Дәүләкән, Мәләүез фермерҙары өлөшөнә 1,9 мең тоннанан ашыу һөт тура килә. Ейәнсура (1,7 мең тонна) һәм Ҡыйғы (1,6) райондары хужалыҡтары уларҙан бер аҙға ғына ҡалыша. Ауыл хужалығы предприятиеларында йыл башынан алып тулайым һауым 319,6 мең тонна тәшкил иткән.