Ҡарарға баш ҡала мэры вазифаһын башҡарыусы Рөстәм Шәрипов ҡул ҡуйған.

Өфөнөң дәүләт балалар баҡсаларында түләү арта. Үҙгәрештәр индерелгән документҡа 18 июндә баш ҡала хакимиәте башлығы вазифаһын башҡарыусы Рөстәм Шәрипов ҡул ҡуйҙы. Документҡа ярашлы, 2026 йылдың 1 июленән балалар баҡсаһы өсөн көнөнә 192 һум түләргә кәрәк.

Шуны билдәләп үтергә кәрәк: премьер-министр Андрей Назаровтың ҡарары буйынса, ағымдағы йылда хаҡ һуңғы тапҡыр арттырыла, сөнки республика хөкүмәте раҫлаған иң юғары түләү билдәләнде.

«Башинформ» яҙғанса, Башҡортостанда балалар баҡсаһы өсөн иң түбән түләү – Әбйәлил районында һәм Ағиҙел ҡалаһында.