Абхазия президенты Бадра Гунба 29-сы Петербург халыҡ-ара иҡтисади форумында Башҡортостан Республикаһы стенды менән танышты.

Ҡунаҡҡа «Шәжәрә ағасы» интерактив инсталляцияһы күрһәтелде. Бадра Гунба «һөйләүсе ағасҡа» ике республиканың үҙ-ара мөнәсәбәттәре тураһында һорау бирҙе һәм шунда уҡ яуап алды.

Хәтерегеҙгә төшөрәбеҙ, «Шәжәрә ағасы» – яһалма интеллект ярҙамында эшләнгән ун метрлыҡ интерактив инсталляция. Ул ҡунаҡтарҙың теләһә ниндәй һорауҙарына яуап бирә. Шәжәрә трендтарҙы алдан әйтә, төбәктең тарихын һөйләй һәм хатта Көньяҡ Урал тауҙары буйлап гид була ала.

Бөтә экспозиция ваҡыт аша сәйәхәт кеүек төҙөлгән. Стендтың экранында иммерсив шоу күрһәтелә: тамашасылар халыҡ кәсептәренең һанлы технологияларға күсеүен, ә ҡурай традицияларының инженер ҡарарҙары өсөн нигеҙ булыуын күрә. Ҡунаҡтар алдында республиканың хозур тәбиғәте: Көньяҡ Уралдың далалары һәм тауҙары, Өфөнөң күркәм урындары йәнләнә. Әйткәндәй, ошо гүзәллек янында фотоға төшөп, Башҡортостандың бер өлөшөн үҙең менән алып китергә мөмкин. 2026 йылда Петербург халыҡ-ара иҡтисади форумында республикабыҙ стенды күптәрҙең иғтибарын үҙенә йәлеп итте.