Башҡортостанда туристик объекттарға юлдар төҙөкләндерелә

Башҡортостанда «Йәшәү өсөн инфраструктура» милли проекты сиктәрендә быйыл 12 популяр туристик объектҡа юлдар ремонтлана, тип хәбәр иттеләр республиканың Транспорт министрлығынан. Шул иҫәптән «Абҙаҡ» тау саңғыһы курортына, Атыш шарлауығына һәм Көньяҡ-Урал ҡурсаулығына илткән Өфө  – Инйәр – Белорет трассаһының 6 километры.

Шулай уҡ был миҙгелдә Красноусол шифаханаһына, һыу сығанаҡтарына һәм Богородица-Табын ҡатын-ҡыҙҙар монастырына бара торған Талбазы – Красноусол юлының 7,5 километрын; Верхотор баҡыр иретеү заводына илткән Ишембай – Воскресенск – Мәләүез юлының 1,5 саҡрымын төҙөкләндереү планлаштырыла.

2026 йылда республикала милли проект буйынса бөтәһе 200 километрға яҡын юл һәм дөйөм оҙонлоғо 1900 погон метр тәшкил иткән 15 күпер йүнәтелә.