Ике билдәле компания ла тауарҙың хаҡын 30 тиндән 50 тингә тиклем арттырған.

Байрам көндәрендә «Башнефть» компанияһының яғыулыҡ ҡойоу станцияларында бензиндың хаҡы ҡиммәтләнгән. Бөтә яғыулыҡ маркаларының уртаса хаҡы 30 тингә артҡан. Шулай итеп, АИ-92 маркалы бензиндың бер литры 60,55 һум тора; АИ-92 ATUM – 61,90 һум; АИ-95 – 64,55 һум; АИ-95 ATUM – 65,80 һум; АИ-100 –  86,65 һум. Дизелдең хаҡы элеккесә 74,60 һум.

«Лукойл» компанияһының яғыулыҡ ҡойоу станцияларында ла хаҡ артҡан, тип хәбәр итә russiabase.ru сайты. АИ-92 бензины – 63,08 һум, АИ-95 – 67,78 һум, АИ-100 – 94,55 һум тора, ә дизель яғыулығы, киреһенсә, 2 тингә арзанайған (76,45 һум).

«Башинформ» хәбәр иткәнсә, 4 февралдә лә Өфө яғыулыҡ ҡойоу станцияларында бензинға хаҡ артҡайны.

 https://www.bashinform.ru/news/economy/2026-02-23/na-ufimskih-azs-izmenilis-tseny-na-toplivo-4588624