Башҡортостанда II кварталда ипотека баҙары йәнләнде
2025 йылдың апрель-июнь айҙарында Башҡортостанда йәшәүселәр 8 мең ипотека алған. Был иһә ғинуар-мартҡа ҡарағанда 53% күберәк. Уларҙың аҡса күләме I кварталға ҡарата 73% (28 миллиард һумға тиклем) артҡан. Дом.РФ мәғлүмәттәре буйынса, ил буйынса ипотекалар иҫәбендә республиканың өлөшө 4,4% тәшкил итә.
Ипотека баҙарында әүҙемлек буйынса Башҡортостан 5-се урынға күтәрелде. Мәскәүҙә һәм Мәскәү өлкәһендә, Санкт-Петербургта һәм Төмән өлкәһендә генә ипотека кредиттары күберәк.
Хәбәр иткәнебеҙсә, II кварталда Өфөлә яңы төҙөлгән йорттарҙа фатир һатыу 14% артҡан.