Рәсәйҙә закон сығарыусылар ипотека буйынса төбәк ставкаларын индерергә тәҡдим итә
Социаль ғәҙеллек принцибы буйынса процент ставкалары бөтәһе өсөн дә бер төрлө булырға тейеш түгел.
Дәүләт Думаһында белдереүҙәренсә, Рәсәй президенты был тәҡдимде хуплаған, әлеге ваҡытта ошо мәсьәлә хөкүмәттә тикшерелә.
Бынан алдараҡ демографик сәйәсәт буйынса «хөкүмәт сәғәте»ндә Дәүләт Думаһы рәйесе Вячеслав Володин йәшәгән төбәккә һәм ғаиләләге балалар һанына ҡарап айырылып торған ипотека ставкаһын индерергә тәҡдим иткәйне.
Әлеге ваҡытта ипотека кредиттары буйынса ставка «тигеҙ» һәм төбәктәрҙәге граждандарҙың килемен иҫәпкә алмай.
«Яҡын арала ипотека буйынса процент ставкаһының дифференциаль кимәленә сығырбыҙ тип уйлайым: Мәскәүҙә ул бер төрлө, ә Һарытауҙа Һарытау өлкәһендәге уртаса эш хаҡына тиң булырға тейеш (унда хеҙмәт хаҡы Мәскәү өлкәһенән 2,5 тапҡырға түбәнерәк). Шул саҡта социаль ғәҙеллек булыр», — тип билдәләне Дәүләт Думаһы рәйесе.