Башҡортостанда яҙғы сәсеү буйынса лидерҙар асыҡланды
Башҡортостанда Мәләүез, Әлшәй һәм Миәкә райондары яҙғы сәсеү темптары буйынса алдынғылыҡты бирмәй. Республиканың ауыл хужалығы министрлығы мәғлүмәттәре буйынса, был муниципалитеттарҙа 9 мең, 6,7 мең һәм 6 мең гектар майҙанда эштәр башҡарылған.
Әле республиканың 33 район хужалыҡтарында сәсеү эштәре бара. Белгестәр дөйөм күләмдең 3% тиерлек үтәгән.
«Хужалыҡтар иген һәм ҡуҙаҡлы культуралар (38 мең гектар), майлы (17 мең гектар), мал аҙығы (2,4 мең гекта) культураларын сәсә башланы. Әлшәй районы эшсәндәре шәкәр сөгөлдөрөн әүҙем сәсә», — тип белдерҙеләр аграр ведомствола.