Республикала йәшәүселәр иң әүҙем сәйәхәтселәр исемлегенә инде
«Авито» платформаһының номерҙарға бронь һалыу мәғлүмәттәренә ярашлы, Башҡортостан февраль йомғаҡтары буйынса әүҙем сәйәхәт иткән ун төбәк исемлегендә 6-сы урынды биләй. Республика күрше Свердловск, Силәбе өлкәләре һәм Татарстан менән бер рәттән 3% өлөш алды.
Башҡортостанда торлаҡты тәүлек әйләнәһенә ҡуртымға алыу өсөн иң «бюджет» ставкаларының береһе теркәлгән. Фатирҙың уртаса ҡуртым хаҡы – 2,5 мең һум. Ә ҡаланан ситтәге йорт тәүлегенә 8,2 мең һум тора.
Уҙған йылдың февраленән тәүлек әйләнәһенә ҡуртымға тапшырылған торлаҡҡа һорау – 66%, ә тәҡдим 33% артҡан.
Мәскәүҙә, Санкт-Петербургта уртаса хаҡ 4,8 мең һәм 3,2 мең һум тәшкил иткән. Краснодар крайында – 3,2 мең һум.
Хәбәр иткәнебеҙсә, Өфөлә фатирҙарҙы оҙайлы ваҡытҡа ҡуртымға биреү тәҡдимдәре 37% күберәк.