Башҡортостанда сәнәғәт етештереүе артҡан
Башҡортостанда 2024 йылдың ғинуарынан декабренә тиклем сәнәғәт етештереүе күләме 2023 йылға ҡарата 5,4% артҡан, тип хәбәр итә Башстат.
Уҙған йылда иң яҡшы динамика эшкәртеү секторында 8,1% булһа, энергетикала үҫеш 1,3% тәшкил иткән.
Производство тармаҡтары араһында аҙыҡ-түлек (2023 йылға ҡарата +38,4%), башҡа транспорт саралары һәм ҡорамалдар (+28,4%), шулай уҡ электр ҡорамалдары (+23%) етештереүҙә иң юғары үҫеш билдәләнгән. Күн һәм күн әйберҙәр етештереү кәмегән (-27,9 процент).
Хәбәр иткәнебеҙсә, Башҡортостанда үҫемлек майҙарын етештереүҙең артыуы билдәләнгән.