Башҡортостан Башлығы вазифаһын ваҡытлыса башҡарыусы Радий Хәбиров 14 – 15 июндә “Урал аръяғы-2019” бөтә Рәсәй инвестиция һабантуйын үткәреү тураһындағы бойороҡҡа ҡул ҡуйҙы.

Документта билдәләнеүенсә, күләмле форум төбәктә “эшҡыуарлыҡ әүҙемлеген арттырыу һәм уңайлы инвестиция шарттары тыуҙырыу” өсөн уҙғарыла. 15 апрелгә тиклем инвестиция һабантуйын ойоштороу буйынса саралар планын төҙөү һәм раҫлау күҙаллана.