Өфөләге “ЭКСПО” Күргәҙмәләр үҙәгендә барған Рәсәй сәнәғәт форумы бөгөн үҙ эшен тамамлай. Унда ҡатнашыусыларға бик күп техник яңылыҡтар күрһәтелде. Шуларҙың береһе – заманса туҡталыш.

Ул ҙур ҡалалар өсөн уңайлы һәм ыҡсым ғына түгел, ә материалы ла заманса – тутыҡмай торған алюмин буяуы менән ҡаплатыласаҡ. Туҡталыш автобустар хәрәкәте тураһында мәғлүмәт биреп тороусы табло менән йыһазландырылған, шулай уҡ ылыҡтырғыс реклама (скроллинг, видеотаҫма һ.б.) күрһәтә алыусы экраны ла буласаҡ.