Башҡортостан, федераль лизинг программаһы буйынса һыйыр малы һатып алыу күрһәткесен яҡшыртып, алдынғылыҡты яулаған.

“Росагролизинг” компанияһы мәғлүмәттәренә ярашлы, республика хужалыҡтары 194 миллион һумлыҡ 2,8 меңдән ашыу мал һатып алған. Тәүге биш төбәк иҫәбенә ингән Рязань өлкәһендә, мәҫәлән, был күрһәткес – ни бары 819. Артабан иһә Татарстан, Ульяновск һәм Мәскәү өлкәһе килә.