Республикабыҙ фермерҙары экологик йәһәттән таҙа һәм сифатлы аҙыҡ етештерә. Үкенескә күрә, халыҡ уларҙың барыһын да белеп еткермәй.

Тап ошо продукцияны халыҡҡа күрһәтеү, тәмләтеп ҡарау, һөҙөмтәлә артабан күпләп әҙерләү маҡсатында 14 – 17 ноябрҙә Өфөлә “Беҙҙең бренд” тип аталған III республика фестивале үтәсәк.

Ул – республика махсуслашҡан берҙән-бер проект. “Беҙҙең бренд” ябай күргәҙмә түгел, ә йәрминкәгә тартым. Беҙ халыҡҡа тауарҙы күрһәтеп кенә ҡалмайбыҙ, ә уның кәрәклеме-түгелме икәнен, артабан ниндәйерәк йүнәлештә эшләү мөһимлеген билдәләйбеҙ”, – ти республиканың ауыл хужалығы министры урынбаҫары Юрий Лысов.