Башҡортостан Хөкүмәте Рәсәй “Алтын көҙ” агросәнәғәт күргәҙмәһенең Гран-прийына лайыҡ булды.

Мәскәүҙә 20-се “Алтын көҙ” агросәнәғәт күргәҙмәһе эшен тамамланы. Уның сиктәрендә байтаҡ осрашыуҙар уҙҙы, килешеүҙәр төҙөлдө. Мәҫәлән, Башҡортостан менән Мари Иле бергәләп ауыл хужалығы кооперацияһын үҫтерергә, продукция менән алыш-биреш итергә килеште.

Республикабыҙ предприятиелары тармаҡ конкурстарында әүҙем ҡатнашты. Улар йәмғеһе 166 миҙал яуланы, шуларҙың 94-е – алтын.