Һуңғы йылдарҙа шәмәхә төҫтәге бәрәңгене халыҡ күпләп сәсә башланы. Берәүҙәр уңышы һәйбәт тип уға өҫтөнлөк бирһә, икенселәр уның организмға файҙалы булыуын хуп күрә.

Шәмәхә бәрәңгенең ҡабығы ғына түгел, эсе лә ҡуйы шәмәхә төҫөндә. Был бәрәң­гене “Французский синий трюфельный”, “Негритянка”, “Китайский трюфель” тип тә йөрөтәләр. Уның “Фиолетовый перуанский”, “Фиолетовый викинг” сорттары беҙҙә яҡшы үҫә. Оҙонлоғо – 10 сантиметр самаһы, ауырлығы 70 грамм тирәһе була. Бәрәң­гене бешерергә, ҡыҙҙырырға, салат, рагу, запеканкаға ҡушырға мөмкин. Ул ризыҡты биҙәп торасаҡ. Тәме ғәҙәти бәрәңгенеке кеүек, аҙыраҡ сәтләүек тәме лә килә.
Шәмәхә бәрәңгелә антиоксиданттар ғәҙәти сорттарҙан күберәк. Ул ҡартайыуҙан һаҡлай, яман шешкә ҡаршы торорға ярҙам итә, иммунитетты күтәрә. Был сорт икенсе "икмәк" ҡан баҫымын төшөрә, гипертониянан ярҙам итә.